Bilbotar bat etxerik gabe geratuko dela salatu du Kaleratzerik Ez!-ek
Astelehen honetan bilbotar bat etxerik gabe geratuko da, Bilboko lehen auzialdiko epaitegiak hartutako erabaki baten ondorioz. Kaleratzerik Ez! Plataformak salatu du erakunde publikoek ez dutela ezer egin egoerari aurre egiteko.
Bizkaiko Kaleratzerik Ez! Plataformak salatu du Bilboko herritar batek astelehen honetatik aurrera bere etxea utzi beharko duela Bilboko lehen auzialdiko epaitegiak emandako sententzia bat dela medio. Egoera horren aurrean erakunde publikoek ezer ez dutela ezer egin kritikatu dute, kanporatua izango den herritarrak Bilboko Udalera eta Etxebidera jo arren, erantzunik ez baitu jaso.
Plataformak azaldu duenez, orain arte alokairuan bizi izan den herritarrak hilean 700 euroko diru sarrerak ditu eta kopuru hori ez da nahikoa alokairua, elikagaiak eta oinarrizko gastuak betetzeko. Gainera, bizi duen egoera dela-eta, kaltetutako pertsonak depresio eta antsietate egoerak dauzka. Hala eta guztiz ere, etxetik kanporatua izango den pertsonak berak hala eskatuta, Kaleratzerik Ez!-ek ez du egoera salatzeko elkarretaratzerik deitu gaurko.
Hori bai, erakundeei eskatu diete bete ditzatela Espainiako Estatuak sinatutako nazioarteko paktuak etxebizitzaren alorrean eta Eusko Jaurlaritzari eskatu diote Etxebizitza Legea martxan jar dezala.
Gainera, Kaleratzerik Ez!-ek adierazi du etxegabetzeak eteteko eta egoera larrian dauden familiei argindarra edo ura moztea eragozteko eskariarekin bat egiten duela: Hipotekak Kalteturikoen Plataformak (PAH, gaztelaniazko sigletan) eta beste zenbait mugimendu sozialek eskari hori egin zioten Espainiako Gobernuari.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
