Bilboko Udalak eta Sustapen Ministerioak "laster" sinatuko dute Zorrotzan FEVEko trenbidea eta geltokia lurperatzeko hitzarmena. Hitzarmenaren berria Ricardo Barkala zinegotziak aurreratu dio Zorrotzako Auzo Elkarteari. Hitzarmena sinatzean "Zorrotzak duen aldarrikapen historikoa gauzatzeko unea gertuago egongo da", baina elkartearen arabera, erakundeekin izandako eskarmentuak "zuhurrak izatera garamatza".
Obra eta Zerbitzuetako Ricardo Barkala zinegotzia ADIFeko zuzendari Juan Bravorekin batzartu da. Zorrotzan trenbidea lurperatzeko lanak eta etorkizuneko geltoki bat eraikitzeko finantzazioa adostu dute bi aldeek batzarrean. Gauzak horrela, finantziazioaren erdia Bilboko Udalak hartuko du bere gain eta beste erdia Sustapen Ministerioak. Lorturiko adostasuna martxoan egingo dute publiko Juan Maria Aburto Bilboko alkateak eta Iñigo de la Serna Sustapen ministroak sinatuko duten hitzarmenaren bidez.
Lehenengo kalkuluen arabera, obra osoaren kostu ekonomikoa 70 milioi eurokoa izango da; 50 milioi trenbidea lurperatzeko eta 20 milioi geltoki berria eraikitzeko. Behin hitzarmena sinatuta, ADIFek dagokion informazio-azterketa abiatuko du, urtebete iraungo duena, balizko arrazoibideak eta ingurumen-eraginari soluzioa emateko, besteak beste.
Zorrotzako Auzo Elkartearen iritziz, hitzarmena sinatzean "auzotarren aldarrikapen historiko hau gauzatzeko unea gertuago egongo da". Baina elkarteko kideak ez dira gehiegi fio. Erakundeekin aurretik izandako eskarmentuak "zuhurrak izatera garamatza", diote. Beraz, hitzarmenaren edukia ezagutu arte zain egongo dira. Ezagutu ondoren baloratu eta informazio auzotarrekin partekatuko dutela iragarri dute.
Urtebete igaro da auzo elkarteko kide batek Zorrotzako trenbidea eta geltokia lurperatzeko mozioa Bilboko Udaleko Udalbatzarreko bilkuran aurkeztu zuela. Aldarrikapena gogoratzeko, joan den astean udaletxeko eskaileretan elkarretaratzea egin zuten hainbat auzotarrek. Dirudienez, martxoan bertan sina daiteke akordioa.
Albiste hau Uriolak argitaratu du eta Creative Commons lizentziari esker ekarri dugu.
Ramon Oleagak eta Jose Mari Esparzak egina, 300 mapa dakartza Imago Vasconiae izeneko bildumak eta Interneten ere kontsultagarri dago. Euskal Herriaren historiaren bilakaera irudikatzeko eta "ikerketarako jatorrizko materiala izateko" ezinbesteko tresna sortu dute... [+]
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.