Bilboko Konpartsek "biolentzia poliziala" eta "zentsura politikoa" salatu dituzte

  • Udaletxearekin duten harremana guztiz aldatu dela eta iaz ez bezala, "konpartsen festa ereduaren aurkako erasoak" jasan dituztela salatu dute. Besteen artean, manteroen aurkako erasoak, propaganda politikoa kentzea eta kalez jantzitako polizien mehatxuak salatu dituzte.

Bilboko Kontpartsek haien aurkako erasoak salatzeko egindako ekintza / Argazkia: Bilboko Konpartsak

2023ko abuztuaren 23an - 08:56
Azken eguneraketa: 11:30

Bilboko alkate Juan Mari Aburtok parte hartu duen ekintza gastronomiko batera jo dute Bilboko Konpartsek, Aste Nagusian udaletxea edukitzen ari den jarrera salatzeko. Udaletxeak festa eredu herrikoi, parte-hartzaile, feminista eta euskaldunaren aurka "estrategia politiko jakin bat" martxan jarri duela azaldu dute. Bide batez, jasaten dituzten erasoen salatzeko deia luzatu diete bilbotarrei.

Hainbat eraso salatu dituzte, haien ustetan "modu isolatuan ulertu ezin" daitezkenak. Txupinazoan txupinera, pregoilaria eta festa batzordeko kideak Arriaga antzokira sartzean miatu eta txupinak kendu zizkietela azaldu dute. "Tentsio poliziala" medio, bi kide kanpoan geratzera behartuta egon ziren.

Hurrengo egunean, Aste Nagusiaren bigarrenean, udalak adierazpen-askatasuna urratu zuela argitu dute: "Euskararen eta manteroen aurkako erasoen aldarrikapenak kendu zituzten, eta SOS Arrazakeria plataformak azaldu digu manteroen aurkako erasoak errepikatu egin direla".

Igande gauean gertatutakoaren berri ere eman dute: bi pertsona Kranba konpartsaren aurkako erasoak errepikatzen ari ziren, konpartsakideak gelditzeko esatera joan ziren eta hauek berriz oldarkor erantzun zieten: "Uniformea jazten dudanean bizitza jasangaitza egingo dizut, hil egingo zaitut". Horren ostean, pertsona horietako bat Polizia gisa identifikatu zen, eta ohartzerako istiluen aurkako polizia gerturatu zela azaldu dute.

Azpian Konpartsek egin duten ekintza:

 


Kanal honetatik interesatuko zaizu: Polizia gehiegikeriak
Irunen gizon bati eraso egin zion ertzaina kargutik kendu dute momentuz, gertakariak ikertzeko

Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.


Ertzaintzak herritar bati Irunen egindako erasoak haserrea eragin du

Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]


2024-04-30 | Gedar
Pertsona afroamerikar bat erail du Poliziak AEBetan, belaunarekin lepoa estutu ostean

Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.


Mbolo Moye Doole plafatormak elkarretaratzea deitu du, manteroen aurkako arrazakeria eta indarkeria poliziala salatzeko

Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.

Manifestazioa egingo dute ostegun arratsaldean, 19:30ean,... [+]


Eguneraketa berriak daude