Bilboko gotzainak Elizaren sexu abusuak aitortuko ditu lehen aldiz

  • Joseba Segura Bilboko gotzainak otoitz egingo du ostiralean 18:00etan sexu abusuen biktimei barkamena eskatzeko. Otsailean Bilboko Elizbarrutiak sexu abusuen inguruan egindako ikerketaren emaitzak eman zituen eta 2019tik 32 txosten ireki ditu.


2023ko martxoaren 24an - 10:49
Azken eguneraketa: 12:02
Joseba Segura Bilboko gotzain izendatu zuten 2021eko uztailan. Argazkia: EFE

Bizkaian Elizako kideek egindako sexu abusuak aitortuko ditu, Joseba Segura Bilboko gotzainaren eskutik. Biktimei barkamena eskatuko die otoitz eginez, Bilboko Santiago Katedralean 18:00etan. Era horretako lehen ekitaldia izango da Espainiako Estatuan.

Sexu abusuak egin zituzten 32 elizgizon identifikatuta

Bilboko Elizbarrutiak sexu abusuen inguruan egindako ikerketaren emaitzen berri eman zuen otsailean. 2019tik adingabeak babesteko batzordeak 32 txosten ireki ditu, abusatzaile bakoitzeko bat. Denera, 50 biktima elkarrizketatu dituzte.

32 txostenetatik hemezortzi kasu ordena erlijiosoei loturikoak dira eta hamalau Bilboko Elizbarrutiko abadeei, azkeneko hauek guztiak hilda daude. Kasu guztiak preskribatuta daude eta Elizbarrutiak ez du erasotzaileen izenik eman nahi izan.

Espainiako Estatuan, El Paisek egindako ikerketa baten arabera, Elizari loturiko ia bi mila sexu abusuren kasuak daude. Horren arabera, Hego Euskal Herrian 96 laguni egozten diete haurrez abusatu izana.


Kanal honetatik interesatuko zaizu: Eliza Katolikoa
Zamorako apaiz kartzelako ihesa Santiago Carrillo buruzagi komunistak zapuztu zuen, lekuko baten arabera

1971n hainbat euskal abadek Zamorako espetxe hartatik ihes egiteko plana bertan behera geratu zen, poliziek tunela deskubritu ondoren. Nicanor Acosta abade-ohi komunistak Apaiz Kartzela dokumentaleko egileei elkarrizketa batean esan zien Santiago Carrillo izan zela salatzailea:... [+]


2024-03-08 | ARGIA
Espainiako Eliza Katolikoak 1.000tik gora pederastia kasu aitortu ditu

Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]


Juan Maria Uriarte hil da, Donostiako gotzain emeritua

Espainiako Gobernuaren eta ETAren arteko negoziazioetan parte hartu izan zuen hainbat urtez Donostiako gotzain izandako Juan Maria Uriartek. Larunbatean zendu zen Basaurin.


2024-01-14 | Reyes Ilintxeta
Jose Mari Esparza. Ideia trafikatzailea
"Borrokaren beharra transmititu nahi dut, zerbait berria sortuko da, beti sortu da"

Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]


Elizak matrikulatu gabeko 3.000 ondasunen jatorria ikertu nahi du Nafarroako Gobernuak

Ondasunak identifikatu ostean, erreklamazio eta berreskuratze prozesua hasiko du aurten, eta udalerriei laguntza eta babesa eskaintzeko bulegoa sortuko dute.


Eguneraketa berriak daude