Bilbobuseko greba bertan behera, langileek aurrekoardioari baiezkoa emateko zain

  • Bilbobusen greba mugagabea "bertan behera" geratu da momentuz, UGT, CCOO eta USO sindikatuek aurreakordioa itxi ostean Biobiderekin, Bilboko Udalak zerbitzu publikoa eskaintzeko azpikontrataturiko enpresa. Langileek ostegunean batzarrean erabaki beharko dute adosturiko baldintzak onartzen dituzten hala ez. ELA sindikatuak ez du aurreakordioa sinatu, bere esanetan ez duelako erosahalmenik bermatzen.

Bilbobusen ia 700 lagunek egiten dute lan. Argazkia: Bilbobus

2024ko maiatzaren 15an - 08:48
Azken eguneraketa: 10:55

Bilbobuseko langileek ostegunean erabakiko dute UGT, CCOO eta USO sindikatuek Biobide enpresarekin adosturiko baldintzak onartzen dituzten edo ez. Bitartean, hainbat asteren ostean, greba mugagabea "bertan behera" geratu da, enpresak jakinarazi duenez.

Apirilaren 9tik zeuden greba mugagabean Bilbobuseko langileak, baina iaztik ari dira lanuzteak etengabe egiten, baita mobilizazioak ere, zuzendaritzak hitzarmenean jartzen duena behin eta berriz "urratu" duelako, "Bilboko Udalaren isiltasun konplizearekin", enpresa batzordeak salatu zuenez.

Bilbon 44 autobus linea dauzka kontzetsioan edo emakidan Biobidek, eta zerbitzu publiko hori emateko ia 700 langileko lantaldea aritzen da. Auzitegien sententziak ez betetzea, lan-poltsako langileak jardunaldi osoan ez jartzea eta hitzarmena 2021etik "izoztuta" edukitzea egozten diote sindikatuek, besteak beste.

Apirilaren 9tik zeuden greba mugagabean Bilbobuseko langileak, baina iaztik ari dira lanuzteak etengabe egiten, baita mobilizazioak ere, zuzendaritzak hitzarmenean jartzen duena behin eta berriz "urratu" duelako

Asteotan guztiotan hainbat aldiz bildu dira enpresako zuzendaritzarekin langileen ordezkariak, azkena maiatzaren 9an, baina adostasunik gabe altxa dira mahatik bilera horietan. Orain, UGT, CCOO eta USOk aurreakordioa sinatu dute, asteartean egindako negoziazio mahaian.

ELA: "Ez da erosahalmena bermatzen"

Bilbobuseko langileen artean ordezkaritza duen ELA sindikatuak ez du aurreakordioa sinatu ez dituelako "begi onez ikusten" gainerako sindikatuek adostutako baldintza ekonomikoak.

Bere esanetan, "langileek ez dute erosahalmena bermatuta izango", akordioak ez baitu jasotzen urtekako KPIaren araberako soldata igoerarik, are gehiago, "Madrilgo legeek ezartzen duten funtzio publikoko soldata igoeraren araberakoa izango da", salatu du sindikatu abertzaleak. Hala, UGT, CCOO eta USOri egotzi die 50 greba egun baino gehiagoren ondoren, enpresari "eduki horiek oparitzea".


Kanal honetatik interesatuko zaizu: Langile borroka
Nafarroako ikastoletako eta itunpeko ikastetxeetako langileek negoziatzen hasteko eskatu diote gobernuari

Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]


Emakumeek baserria defendatu zutenekoa

1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]


Osakidetzaren irtenbide bakarra lanaldia luzatzea dela kritikatu dute ELA, LAB eta CCOOk

Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.


Sinadura greban dauden ‘El Diario Vasco’-ko langileek grebara joko dute orain, soldata igoera eskatzeko

Ekainaren 19an, 20an eta 21ean greba dago deituta El Diario Vasco-ko langileen artean, hitzarmen kolektiboa eguneratzeko aurrerapausorik ez delako eman. Gainera, maiatzaren 30az geroztik sinadura greba egiten ari dira kazetariak: “Hori ezkutatzeko enpresak lehentasuna... [+]


Errenteriako Iztieta osasun zentroko “egoera prekarioa” salatu du ELAk

Hemezortzi mediku beharrean hamabi daude eta sei erizainek hamabiren lana egiten dute. “Lan gainkarga eta agenda neurrigabea handitu” egin dira, sindikatuak ohartarazi duenez, eta murrizketa gehiago etor daitezke etorkizunean.


Eguneraketa berriak daude