Bigarren flotilla ere legez kanpo geldiarazi du Israelek
Global Sumud Flotilla pasa den asteazken gauean bahitu zuen Israelgo armadak, eta bigarren flotilla bat abiatu zen Gazara, laguntza humanitarioa ematera eta blokeoa haustera. Freedom Flotilla and Thousand Madleens ontzidia ere bahitu dute, eta 140 ekintzaile atxilotu.
Freedom Flotilla and Thousand Madleens-ek zabaldu du 04:34ean Gaza Sunbirds, Alaaa Al-Najajr, Anas Al-Sharif itsasontziak nazioarteko uretan abordatu dituela Israelgo armadak, eta gainontzeko ontziak, Thousand Madleens eta Conscience itsasontzia, 07:45ean gelditu dituztela, Gazako kostatik 110 itsas milatara.
Israelgo Kanpo Harremanetako ministroak baieztatu duenezguztira 140 ekintzaile atxilotu dituzte. Ekintzaile guztiak Israelgo portuan "ongi eta salbu" daudela jakinarazi du, lehenbailehen deportatzeko asmoarekin. Azpimarratu behar da Global Sumud Flotillako ekintzaileek torturak eta tratu txarrak salatu dituztela atxiloaldia amaitutakoan. Ministro berak X sare sozialaren bitartez esan du blokeoa "legezkoa" dela: "Legezko itsas blokeoa hautsi eta borroka eremu batean sartzeko beste alferrikako saiakera bat ezerezean geratu da".
Jakinarazi dutenez, atxilotuen artean medikuak, kazetariak eta diputatuak daude. Gainera, flotillak salatu du lapurtu egin dizkietela 110.000 dolarretan balioztatzen diren Gazako ospitalera zuzentzen ziren medikamendu, arnas ekipoa eta janaria.
"Israelek ez dauka nazioarteko boluntarioak atxilotzeko legezko aginpiderik", salatu du David Heap Kanadako Freedom Flotilla and Thousand Madleens komiteko buruak."Konfiskatze honek lotsagabeki urratzen du nazioartekoa eskubidea [...] Gure boluntarioak ez daude Israelgo jurisdikzioaren menpe eta ezin dira zigortu laguntza emateagatik edo blokeo ilegala inpugnatzeagatik. Atxiloketa arbitrarioa izan da, ilegala, eta berehala amaitu behar du”.
Aurreko flotillako 450 parte hartzaileetatik seik preso jarraitzen dute.
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Gazte Koordinadora Sozialistak Beasaingo CAF enpresaren barnean pintaketak egin ditu, enpresak “kolonizazio prozesuarekin lotura” duela seinalatuz, prentsara igorritako oharrean. Sare sozialetan zabaldu dute bideoa.
Naxker, Fermin Muguruza eta Bloñ musika taldeek, besteak beste, bat egin dute Musikariak Palestinarekin plataformak abiatutako Spotify-ren aurkako ekimenarekin. Hain justu, musika erreproduzitzeko aplikazio erraldoiaren jabe nagusiari, Daniel Ek-eik, egozten zaio Israelek... [+]
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Asteazken gauean Global Sumud Flotilla atzeman ostean, hurrengo flotilla Gazara bidean zihoan. Thousand Madleens izena du, Frantziako Estatuko ekintzaileek antolatu dute batez ere, Siziliatik atera zen. Asteazken goizaldean Israelgo armadak flotillako itsasontziak abordatu... [+]
Gaueko 23:30 pasatxo heldu dira Loiura Israelek Gazari ezarria dion blokeoa apurtzen saiatu den flotillan joandako lau euskal herritarrak. Dozenaka lagun eta senide zain zituzten aireportuan eta harrera beroa egin diete. Gazan egunez egun pairatzen jarraitzen duten genozidioa... [+]
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]
"Ikasleok ez dugu genozidioa onartzen; ikasleok Flotilla babesten dugu; ikasleok ez dugu Trumpen planean sinesten, eta Palestina askatu nahi badugu, Israelen aurka borrokatu eta Israel suntsitu behar dugu", azaldu du IAk.
Abuztua da. Iratxen bildu gara Jurramendi igotzeko. Gudarienetik baino, gurutzeen bidetik (via crucis) ekiteko gomendatu digute. Berbagai, Gazako egoera. Israelek, genozidioa gauzatzeaz gain, horren kontaketa ere isilarazi nahi du: ia 300 kazetari erail ditu, Al Jazeerako Anas... [+]
Hemeretzi herritan izango dira IAk antolatutako mobilizazioak, "Israelgo Estatu sionista eta terroristaren genozidioa salatzeko".
Flotillari Israelek eraso eginez gero, greba orokorra antolatzeko prest zeudela adierazia zuen Italiako sindikatu handiena den CGIL-eko buruak, Il Messaggero egunkariak jaso duenez. Asteazken gauean, deialdia jada publiko egin dute: ostiralean greba orokorra.
Nazioarteko ontzidiak larrialdiko prentsaurrekoa deitu du asteazken goizean, “arrisku eremuan” sartu berritan. Itsasontzietan dauden kideek “intimidazioa” eta “gerra psikologikoa” salatu dituzte Israelen eskutik. Albanese NBEko errelatore... [+]
Hilabetetik gora darama itsasoan Gaza helburu duen Global Sumud flotillak. Mundu osoko ekintzaileak doaz dozenaka ontzik osatutako elkartasun ekimenean, Gazako setioa hautsi eta laguntza humanitarioa eraman asmoz. Tartean dira lau euskaldun. Egun gutxi geratzen zaizkie helmugara... [+]