Biba umore inteligentea, “H28” bueltan da!
Hiru urte jada. Gezurra dirudi "H28" aldizkari satirikoaren azken zenbakia 2017ko irailean publikatu zela. Hain genuen gogoan... Eta bat-batean, hilobiko zulotik eskua zut! arkatza airean. Bueltan da berriro, ezker eskuin zaplakoak banatzeko gertu.
aurre egingo dieten hedabide independenteak
Eta hemen gaude irakurleok, larunbata hilak 28 heldu zain, ustez hilak zeudenak biziberritu eta pandemia kabroi honek inposatu dizkigun maskaren azpian irri egiteko gogo biziz. Gustura irentsiko ditugu ohiko komikigileen lanak, baita balizko fitxaketa berrienak ere.
Estreinako zenbakian, 2015eko urtarrilaren 28an argitaratutako hartan, parte hartu zuten, besteak beste, Adur Larrea, Asisko Urmeneta, Marko Armspach, Patxi Uharte Zaldieroa, Joseba Larratxe Josevisky eta Unai Iturriagak. Edu Lartzanguren, Ainhoa Sudupe, Patxi Gallego, Iru Ñe, Eñaut Aiartzaguena... hamaika izan dira H28 proiektuan bat egin zuten autoreak.
Ea bigarren olatuak zer dakarkigun!
