H28 aldizkari satirikoak 'agour' esan du

  • 2015eko urtarrilean sareratu zen 'H28' aldizkari satirikoaren lehenengo zenbakia. Ia hiru urteren ondoren amaierara iritsi da, proiektuan dabiltzanek iragarri dutenez labetik atera berri den 28. zenbakian. Komikien eta satiraren bidez aktualitateari kritika zorrotza egin diote denbora honetan.


2017ko irailaren 28an - 12:13

'"Agour Espainia", hitz horiekin hasi du editoriala 28. zenbakian aldizkari satirikoak. 2015eko urtarriletik internetez hilabetekaria zabaldu ostean –paperezko bi bilduma ere kaleratu ditu– "unilateralki" erabaki dute H28 aldizkariaren ibilbidea etetea. "Unilateralki bai. Izan ere, nagusiki unilateralkilaturik bizi gara euskal marrazkilari eta gidoigileok gure Euskal Herri eder honetan, eta bueno, ba, ordua da argi esan dezagun: gu aberasteko asmotan hasi ginen honetan. Eta orain ba ikusirik, Artur Mas Generalitateko lehendakari ohiak bost milioi euro jasoko dituela auzitegiek jarritako fidantza ordaintzeko, ba igual, akaso, beharbada, apika, agian, pentsatu dugu ba, hoberena izango dela satira eta txorakeriak behingoz uztea, eta guk ere unilaterali- tatearen bidearekin bat egitea".

Estreinako zenbakian parte hartu zuten, besteak beste, Adur Larrea, Asisko Urmeneta, Marko Armspach, Patxi Uharte Zaldieroa, Joseba Larratxe Josevisky eta Unai Iturriagak. Edu Lartzanguren, Ainhoa Sudupe, Patxi Gallego, Iru Ñe, Eñaut Aiartzaguena... hamaika izan dira H28 proiektuan bat egin duten autoreak.

28. zenbakiko lagin bat duzue hemen. Kataluniako erreferenduma da protagonista, baina badira kontu gehiago:


Kanal honetatik interesatuko zaizu: Komikiak
2023-12-15 | ARGIA
'Ño' komikiaz solasaldia, gaur Bilboko La Sinsorga kulturgunean

Ño komikiaren testuen egile Miren Artetxe eta Eli Pagola, eta Maitane Gartziandia ilustratzailea Bilboko La Sinsorga kulturgune feministan (Askao Kalea, 9) izango dira gaur, arratsaldeko 19:00etan, haien lanaz hitz egiteko.


Euskarazko komikien HernaniKomik II. azoka

Azaroaren 17an eta 18an izango da, ostiralez eta larunbatez, Hernaniko Atsegindegi plazan


Mikroa eskuan eta irribarrea ezpainetan

Ño!
 

Testuak: Eli Pagola eta Miren Artetxe
Ilustrazioak: Maitane Gartziandia
Argia, 2023

------------------------------------------------------

Komikia hasi aurretik eta amaitu ondoren bai azal eta kontrazalean, bai tapa eta barruko tapetan informazio... [+]


2023-09-27 | ARGIA
‘Ño!’ komikiaren erakusketa inauguratuko dute ostegunean Hernanin

Maitane Gartziandia, Eli Pagola eta Miren Artetxe egileek komikiaren lan prozesua eta mamia azalduko dituzte Kulturarteko Plaza Feministan irailaren 28an, komikiaren marrazki originalez lagunduta. Urriaren 5ean Iruñeko Laban aurkeztuko dute beren lana egileek.


Eguneraketa berriak daude