Astelehenean langile bat hil da Tuteran, lanari lotutako desplazamenduan izandako auto istripuaren ondorioz. Astearte goizean jazo da bigarren lan heriotza, Idiazabalgo Urtsuaran auzoko pinudi batean.
Hastea hasi denetik bi lan heriotza zenbatu dira Euskal Herrian. Bata astelehenean, Tuteran. 26 urteko langile batek bizia galdu zuen errepidean, in itinere, LAB sindikatuak jakinarazi duenez.
Astearte goizean, aldiz, 49 urteko basoko langile bat hil zen. Istripua Idiazabalgo Urtsuaran auzoan gertatu zen, goizeko 11:00ak aldera. Langilea pinudi batean ari zen lanean, enborrak garraiatzeko makina batekin, eta pinu bat erori zitzaion gainera.
LAB sindikatuaren zenbaketaren arabera, iaz basogintzako sei langile hil ziren.
Zenbaketa berari jarraiki, bi heriotza horiekin, 38 dira urtea hasi denetik Euskal Herrian lan istripuz hildako pertsonak.
Astelehen arratsean gertatu da ezbeharra, Arrasaten, hiru metroko sakonerara erorita.
Ostegun eguerdian gertatu da ezbeharra Cementos Portland enpresan, Olaztin. Urtea hasi denetik 15 langile hil dira Euskal Herrian.
Durangon 47 urteko langilea hil da asteartean eta jadanik istripuz hildako 14. behargina da aurten Euskal Herrian, LABek emandako datuen arabera. Fumbarri lantegiko teilatuan lanean ari zela erorita hil da langilea eta azpikontrataturiko enpresa batentzat ari zen. Sindikatuek... [+]
Urizaharreko harrobian lanean ari zela hil zen behargin bat joan den ostiralean, makina batek harrapatuta. Urtea hasi denetik, zortzi langile hil dira.
Urtea hasi denetik lanean hildako zazpigarren langilea da. Astebeteko epean, bost behargin zendu dira.