Equipe Mediak hedabide saharrak informatu duenez, herrialdetik indarrez kanporatuak izateko arrazoia da Saharako ekintzaileekin Aaiun hirian elkartu izana. Maroko Poliziak bi euskal herritarrekin elkartu diren sahararrak jipoitu dituela eman dute aditzera.

Urtarrilaren batean beste bi euskal herritar kanporatu zituen Marokok

Urtarrilaren 1ean, Aaiun hirian zirela, Marokoko Poliziak kanporatu egin zituen Irati Tobar eta Patricia Ibañez ekintzaileak. Euskal Herrira itzultzean egindako adierazpenetan salatu zuten, turista gisa joan zirela Mendebaldeko Saharara, eta hala ere, Poliziak etengabe jarraitu zituela, ez zutela bilera politikorik egin inorekin, eta hala ere kanporatu zituztela. Horrez gain, salatu zuten sahararrek Marokoko estatuaren partetik pairatzen duten eskubide urraketa etengabea dela.