Bi etxe kaleratze geldiarazi nahi dituzte Berriozarren
Berriozarko bi familia etxerik gabe gelditzeko arriskuan direla salatzen ari da herri horretako Etxe Kaleratzeen Aurkako Plataforma. Bihar elkarretaratzea eginen dute Iruñeko Karlos III. Etorbidean 13:30ean eta 19:00etan.
Albiste hau Euskalerria Irratiak argitaratu du eta Creative Commons lizentziari esker ekarri dugu.
Lehen protesta Caixabank bankuetxeak Iruñeko Karlos III. Etorbidean duen egoitzaren parean eginen du Berriozarko Hipotekek Kalteturikoen Plataformak. Entitate horrekin dute bi familiek hipoteka eta mehatxua jaso dute etxetik kanporatuko dituztela. Mikelen eta Aurelioren familiak daude egoera horretan. Plataformak eskatzen duena da, alokairu sozialean bizitzeko aukera eman diezaietela eta ez ditzatela kalean utzi. Bigarren protesta Karlos III. Etorbidean berean izanen da baina Nafarroako Gobernuaren Jauregiaren parean. Lehena eguerdian, 13:30ean eta bigarrena 19:00etan.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
