Beterriko enpresa eraldatzaileek etorkizuneko bideorria adostuko dute
Beterri-Buruntza eskualdeko enpresa eta eragileak biltzen dituen Beterri Saretuz programaren azken saioa egingo dute ostegunean Astigarragan. Erronka berriak zein diren eta aurrera begira nola antolatuko diren aztertuko dute.
Parte-hartzean oinarrituriko enpresen eskualdeko ekosistema bat sortzeko bidean, bigarren ikasturtea amaitzear du Beterri Saretuz programak eta ostegun honetan izango dute azken saioa, Astigarragan. Saio garrantzitsua izango dela azaldu dute, ikasturteari itxiera emateaz gainera, hurrengo urterako erronkak identifikatu nahi baitituzte, eta horien aurrean nola antolatuko diren erabakiko dute.
Beterri-Buruntza eskualdeko enpresa komunitarioak, hezkuntza eragileak eta erakundeak biltzen ditu Beterri Saretuz-ek eta otsailean ekin zioten ikasturte honetako programari, herriz herriko sei hilabeteko egitarau zabalarekin. Bidean, beharrak asetzeko saioak egin dituzte, ahalduntzea eta zaintzaren ingurukoak besteak beste, interkooperazioa ere landu dute eta beste eskualdeetako esperientziak ezagutu. Gainera, enpresa eta eragileen artean harremana sendotzeko bilkurak antolatu dituzte.
Hain justu, ostegun honetan Astigarragan egingo duten saioaren helburu nagusietako bat izango da hemendik aurrera sarea nola antolatuko den erabakitzea. Programa 2019ko azaroan abiatu zen Hernaniko Oronan, eta Gipuzkoako Aldundiak eta Beterri-Buruntza Udalak-ek lagunduta ekin zioten enpresa parte-hartzaileen ekosistema sortzeari. Hemendik aurrera zein ildo eta bide hartuko duten adostuko dute beraz.
Bi urteotan Beterri Saretuz-ek egin duen lan garrantzitsuenetako bat, enpresa komunitario eta eragileen elkar ezagutza bultzatzeaz gain, langileak enpresetan parte-hartzeko eta lurraldean inplikatzeko gida bat (pdf) sortzea izan da, hainbat gako jorratuz: formazioa, pertsona erdigunean jartzea, elkartasun balioen sustapena, ahalduntzea, alderdi finantzario eta fiskala, eta aitortza.
Baliabide hori eskuan, iaz aztertu zuten ekonomia sozialeko enpresak zein egoeratan zeuden pandemiaren eraginez, eta ondorioztatu zuten zailtasunei aurre egiteko garrantzitsuak izan direla gako horiek.
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Kooperatibismo bat komunitateari begira: lurraldeetako beharrei erantzuteko ereduak zabaltzen jardunaldia izan zen ekainaren 19an eta 20an Usurbilen, Jakinek, Usurbilgo Udalak eta UEUk elkarlanean antolatuta. Praktika kooperatibo eraldatzaileen adibide gisa, besteak beste, [+]
Kooperatiben mugimenduak euskal nortasunaren sakoneko afektu bat esnatzen du gehienetan. Kontzeptuarekiko gertutasun, harrotasun, lurraldetasun bat. Eta bizirik dabil, kooperatibek gaurkotasun handia irabazi dutelako, ez da iraganeko historiako ekimen euskaldun bat... [+]
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
Horbel kooperatibaren proiektu bati esker, errefuxiatuen kanpamenduetan bizi diren Saharako hamabi haur hartuko dituzte bi hilabetez Goierriko udalerri horretan. Orkli kooperatibaren Orklidea ekimeneko dirulaguntza jaso du proiektuak.
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Maiatzaren Lehenaren kari, bere gogoeta partekatu nahi izan du Olatukoop Ekonomia Sozial Eraldatzailea sustatzeko sareak. Langileen egunari lotuta, lanaren izaeraren eta zentzuaren inguruko gogoeta egin dute, lan burujabe eta desiragarriak denontzako garatzeak gure bizitzak eta... [+]
Nortasuna Sarean jardunaldien 10. edizioa egingo dute asteazken honetan Donostiako San Telmon, KomunikaziONA bideguruatzean izenburupean. Egungo komunikazio joerak aztertu eta "alternatiba osasuntsuagoak" topatzen saiatuko dira. Hainbat hizlari gonbidatu dituzte, euren... [+]
Gasteizko Eraman kooperatibak banaketa “era jasangarri eta etikoan” eginez bertako komertzioa bultzatzeko helburua du bere sorreratik, Arabako hiriburuan eta hango bizilagunengan pentsatuta. Hainbat ekimenetan parte hartzen du, horien artean ikasturte honetan egiten... [+]
Gure lurraldeetan eta bizitzetan sortzen diren behar, desio eta ekimenen inguruan gero eta gehiago entzuten dugu harreman eta proiektu publiko-komunitarioak landu beharraz, eta pozgarria da benetan, merkaturik gabeko gizarte antolaketarako ezinbesteko eredua baita. Baina... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Proiektu ekonomiko kooperatibo eta komunitarioak abian jartzeko grina duten pertsona eta taldeentzako doako eskola da KoopFabrika. Dagoeneko izena emateko epea irekita dago. Urtarrilaren 28an egingo da lehenengo saioa. Olatukoop, Gezki eta Lankiren baliabideei esker antolatu... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.