Rio Lindo herriko Rio Chiquito komunitatea hustu ondoren etxera zihoala hil dute bi pertsona ezezagunek Nelson Garcia, Hondurasko Giza Eskubideen aldeko Sareak zabaldu duenez. Indigenen Elkarteko kidea zen Garcia; elkarte horretako burua zen Berta Cáceres, duela bi aste hil zuten ekintzaile hondurastarra.
150 familik errekuperatu zuten Rio Chiquito komunitatea duela bi urte, eta 75 familia baino gehiagok etxeak eraiki zituzten bertan.
Asteazken eguerdian ordea, 100 polizia, polizia militarraren 20 auto eta armadako hainbat kide bertaratu dira lekura, eta etxeak suntsitu dituzte, traktoreak eta makineria astuna erabiliz. Nelson Garcia etxebizitzaren aldeko ekintzailea zen, eta aktiboki hartu zuen parte lur horien berreskuratze prozesuan.
“Berta Cáceresen hilketatik izan diren mehatxuek eta hilketek argi adierazten dute Estatuak ez duela inolako asmorik indigenon bizitza eta egiten dugun lana bermatzeko”, salatu du indigenen elkarteak.
Herbereetako Garapen Bankuak geldiarazi egin ditu Hondurasko proiektuak
Herbehereetako Garapen Bankuak Hondurasen dituen proiektu guztiak –Agua Zarca proiektu hidroelektrikoa tartean– suspenditzeko erabakia hartu du azken asteetako indarkeria kasuen ondorioz, beren webgunean argitaratu dutenez. Agua Zarca presa herrialdearen ipar-ekialdean eraiki behar zuten: proiektuak ekarriko zukeen indigenak lekuz mugiaraztea, eta eragotziko ziekeen nekazaritza garatzea. Ondorioz, indigenen elkarteak gogor borrokatu du proiektu horren aurka, Berta Cáceresek gidatuta.
Bankuko ordezkaritza batek Hondurasera bidaiatuko duela adierazi dute, gertatzen ari den guztia hobeto ulertzeko. Gizabanakoen edota taldeen aurkako edozein indarkeriaren aurka daudela adierazi dute bankuko kideek. “Beren eskubideak defendatzen dituzten pertsonen adierazpen askatasunak garrantzia handia du guretzako, eta pertsona orok seguru egon behar du bere posizioa defendatzen duenean”.
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Lurraren defentsan Euskal Herria Bizirik sareak manifestazioa deitu du apirilaren 13 arratsaldeko 18:00etan Azpeitian, "lurraldeari eta landa-eremuari erasotzen dioten makroproiektuekiko arbuio sozial zabala erakusteko". Goizean gaiari lotutako hainbat tailer eta... [+]