Beste astelehen batez kaleak hartu dituzte pentsionistek
Era bateratuan irten dira kalera astelehen honetan. Urriaren 1a Adineko Pertsonen Nazioarteko Eguna dela aprobetxatuz deialdi berezia egin dute, indar erakustaldia eginez.
Bizkaiko hiriburuko lau puntu ezberdinetatik, pentsionistak zutabeetan heldu dira manifestazioaren abiapuntu bezala xedatutako Moyua plazara. 12:00etan ekin diote, denak batera, Udaletxerainoko manifestazioari. Antolatzaileen arabera, 35.000 pertsona inguru bildu dira.
Bilbon harago, Iruñean eta Gipuzkoako zenbait udalerritan ere egin dituzte mobilizazioak. Gasteizen arratsaldean egingo dute mobilizazioa, 19:00etan Artiumen. Donostian, aldiz, larunbatean egingo dute manifestazioa.
Pentsionistak Espainiako Enplegu, Migrazioa eta Gizarte Segurantzako ministro Magdalena Valeriorekin ere bildu dira, pentsio publiko duinen sistema mantentzeko aldarria helarazi asmoz. Valeriok bilkuran egindako adierazpenak jaso ditu Europapressek, eta hauen arabera Espainiako Gobernua “ezin da konprometitu” 1.080 euroko pentsio minimoa ezartzera. Ministroaren hitzetan, momentu hauetan Gizarte Segurantzaren transferentzia ez da lehentasunezko zerbait gobernuarentzat.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.