Berta Zúñiga Cáceres: “Nire amaren heriotzak agerian utzi du Hondurasko ustelkeria eta militarizazioa”
Berta Cáceres ekintzaile ekologistaren alabak leporatu die Hondurasko Gobernuari eta Gualcarqueko ibaieko Agua Zarca proiektu hidroelektrikoa sustatzen ari den DESA enpresari bere amaren heriotza, eldiario.es hedabideak jaso duenez.
Hondurasko herri indigena ugari ari dira borrokan zentral hidroelektrikoen eta meatzeen aurka eta ingurumenaren aldeko ehun ekintzaile baino gehiago hil dituzte 2002 eta 2014 urte artean. Sona handia izan du Berta Cáceres ekintzailearen heriotzak. Martxoaren 3an hil zuten Cáceres eta nazioartean ezaguna zen egindako borrokengatik.
Ekintzailearen senideak eta lagunak hitzaldi bira bat egiten ari dira Europan zehar. Biraren helburua da eskatzea Cáceresen heriotza argitzeko ikerketa batzorde independente bat martxan jar dezatela, baita salatzea ere 2009ko Estatu Kolpeaz geroztik herrialdea jasaten ari den errepresioa.
Valentzian egin dute geldialdia eta Berta Zúñiga Cáceres Berta Cáceresen alabak eta Rosalina Domínguez Hondurasko herri indigenen Batzorde Herritarreko (COPINH) kideak hartu dute hitza. “Nire amaren heriotza ez da ekintza isolatua. 2009ko estatu kolpeaz geroztik Hondurasko gobernuak martxan jarri duen errepresioaren parte da”, azaldu du Zúñigak.
Errepresio horrek “areagotu egin du enpresa multinazionalen eragina, enpresa hidroelektrikoen eta meatzeen proiektuak bere gain hartu baitituzte askok”, gehitu du. Horren adibidetzat jo du DESA enpresak bultzatutako Agua Zarca proiektua. FMO Bankuaren, Finnfunden eta Boith-Hydro ingenieritza elkartearen (Siemens) laguntza du proiektuak eta Lenca herri indigena bizi den lekuari zuzen-zuzenean eragiten dio. Hain zuzen, Cáceresek herri indigena hori antolatu zuen proiektu horren aurka borrokatzeko.
Zúñigak salatu du proiektu horien onuradun bakarrak direla oligarkiak, inbertitzen duten bankuak eta enpresa multinazionalak, eta DESAri eta Hondurasko Gobernuari leporatu die bere amaren heriotza: “Manuel Zelayaren estatu kolpeaz geroztik, Karibeko herrialdea jasaten ari den ustelkeria, indarkeria eta militarizazio egoeraren adierazgarria da nire amaren heriotza”.
“Hasiera-hasieratik baztertu gaituzte ikerketa prozesutik”
Hondurasko poliziak lau pertsona atxilotu ditu Berta Cáceresen heriotzarekin lotura dutelakoan, baina Cáceresen senideek “ez dute konfiantzarik gobernuarengan”. Senideek salatu dute “hasiera-hasieratik" baztertu dituztela ikerketa prozesutik, eta gardentasun eza leporatu diote gobernuari. “Estatuak egin baldin badu froga zientifikoetan oinarritutako ikerketa, gaur bertan onartu beharko luke Giza Eskubideen Amerikako Batzordeak ikerketan parte hartzea, pertsona independenteek azter ditzaten orain arteko ekintza guztiak”.
Gainera, adierazi du “DESA enpresarekin lotura duten militarrak atxilotu izanak” adierazten duela Estatuko agenteek Cáceresen heriotzarekin duten lotura, eta “hori arrazoi nahikoa da Agua Zarcako proiektua gelditzeko”.
François Bayrouk dimisioa eman eta ordu gutxitara izendatu du Emmanuel Macron Frantziako presidenteak ordezkoa: Sébastien Lecornu izango da lehen ministro berria, aurretik Defentsa ministro izandakoa eta Macronen oso gertukoa. Oposizioa haserre mintzatu da, ezker zein... [+]
Irailean aurkeztu zuen enpresak Caparrosoko makroetxaldea handitzeko eskaera, eta ingurumen baimena argitaratu du gobernuak astelehenean. Asteartean hasi da makroetxaldearen aurkako epaiketa lurrak nitratoz kutsatu dituela leporatuta, eta akusazio partikularra osatzen duten... [+]
Ekologistak Martxanek eta Sustrai Erakuntzak diote txinatar inbertitzaileek atzera egiteak agerian utzi dituela Zangozako meatzearen "funtsik gabeko arrazoiak". Nafarroako Gobernuari eskatu diote "interes publikoari erantzuten ez dion proiektu defendaezina... [+]
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Donostiako hirigunetik Urumeak banandua, nekazaritza eremu zabala zen Egia: Nabarrizene, Txurkoene, Mikelaene, Polloene... 70 baserri baino gehiago zeudela uste da. Trenbidearen etorrerak beste destino petral bat ekarri zien lur horiei, ordea: zerbitzuetarako eta... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Gaztetape (Getaria) eta Muriola (Barrika) hondartzak 2050. urterako desager daitezke Greenpeaceren txostenaren arabera. Itzurun (Zumaia), Karraspio (Mendexa), Isuntza (Lekeitio) eta Azkorri (Getxo) hondartzek hedaduraren erdia gal dezakete.
1994an altxatu zituzten lehen haize errotak Nafarroan, Erreniegako parke eolikoan, Iruñetik gertu. Segidan etorri ziren beste asko: Arizko parkea Leitzan eta Berueten, Izkokoa Irunberri inguruan, Oibarkoa, Cabanillasko Serralta parkea... ‘Haizearen aitzindari’... [+]
Hendaian etxebizitza larrialdi egoera bizia da: bizitokien %27 bigarren etxebizitza dira eta 700 familia alokairu sozial baten esperoan daude. Horren erdian, Herriko Etxeak Moleres izeneko 40.000 m2-ko eremuan 250 etxebizitza eraikitzeko egitasmoa jarri du mahai gainean... [+]
EAEko 1,3 milioi biztanlek Europar Batasunak 2030erako ezarri berri dituen mugak gainditzen dituen aire kutsatua arnastu zuten 2024an, Ekologistak Martxanek eginiko ikerketaren arabera.
Ekologistak Martxanek Bandera Beltzak 2025 txostena argitaratu du, urtero legez, "itsasertzeko kutsadura eta ingurumen-kudeaketa txarraren kasu esanguratsuenak ezagutarazteko". Hego Euskal Herriko kostaldeari dagokionez, Bilboko superportuari eta Getariako arrain... [+]