"Berlusconi Presidente", martxoko Italiako hauteskundeetarako eskuinaren leloa
Forza Italia, Fratelli d’Italia eta Liga Norte alderdi xenofoboa koalizioan aurkeztuko dira datorren martxoaren 4an egingo diren hauteskunde orokorretara.
Bost urteko legealdian hiru lehen ministro pasa dira zentro-ezkerreko Alderdi Demokrataren gobernutik, Enrico Letta, Matteo Renzi eta Paolo Gentiloni. Bost urtekoa gaindituta hauteskundeetara deitu zuen iragan abenduan Sergio Mattarella Errepublikako presidenteak. Eskuineko alderdiek iragarri dute koalizioan aurkeztuko direla.
Silvio Berlusconi (Forza Italia), Matteo Salvini (Liga Norte) eta Giordia Melonik (Fratellei d’Italia), lau bat orduz egin zuten bileraren ondoren iragarri zuten, koalizioan aurkeztuko dela Italiako eskuina datorren martxoaren 4ko hauteskundeetara.
Koalizioaren nondik norakoak ordea oraindik guztiz zehaztu gabe daude. Datorren astean berriz elkartzekoak dira alderdietako ordezkariak, bertan, hautagaien, hauteskunde programaren eta hauteskunde estrategien inguruko xehetasunak adosten saiatuko dira. Oraindik hautagaia zehaztu gabe badago ere, Berlusconiren alderdiak kanpaina bat abiatu du “Berlusconi presidente” izenekoa.
Hauteskunde kanpainan zentraltasun handia hartu lezake Silvio Berlusconik, nahiz eta momentuz ezin duen hautagai izan, iruzur fiskala dela eta ezin baitu inolako kargu publikotan jardun. Kargu publikoa izateko debekua Italiako auzitegiak ezarri zion. Sententzia hori errekurritu zuen Berlusconik Europako Giza Eskubideen auzitegian, orain sententziaren zain dago. Ez da espero ordea martxorako sententzia argitara ematea Estrasburgoko epaitegiak. Inkesten arabera irabazteko faboritoak dira eskuindarrak. Botoen %36 jasoko lituzke koalizioak. Bost Izarreko mugimendua izango litzateke bigarrena, botoen %30 eskuratuta.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
“Borrokatzen duena ez da inoiz esklabo izango” mezua eta Angelo Conti “Sigaro” gitarra-jolearen argazkia argitaratu ditu Banda Bassotti talde italiarrak bere sare sozialetan, 62 urteko musikariaren heriotzaren berri emateko. Taldeak harreman estua izan du Euskal Herriarekin.
Barbara Balzerani Italiako Brigada Gorriak talde armatu komunistako buruzagia izan zen. Aldo Moro Kristau Demokraziako presidentearen bahiketan parte hartu zuen 1978an. 21 urte eman ditu espetxean. Bartzelonan izan berri da L’ho sempre saputo (“Beti jakin dut”) eleberriaren katalaneko bertsioa aurkezten. 1998an Compañera luna liburu ezaguna argitaratu zuen, 2016an Txalapartak gaztelaniaratua.
Igandean Siziliara iritsi zen borraska, eta Palermo eskualdean eragin zuen okerren; 12 hildako, ibaiak gainezka egin eta etxeetara ura iritsi ondoren. Astebeteko epean, jada 30 hildako zenbatu dituzte.
10 urteko isiltasun eta ukazioaren ostean, Italiako Stefano Cucchiren hilketaren kasua argia ikusten hasi da. Polizia batek gazteari egindako torturak berretsi ditu orain, eta horretan, Sulla mia pelle filmak ere badu zeresana.
Aste honetan, ordu gutxiren tartearekin, bi istripu larri gertatu dira Italiako bi erraustegitan, Reggio Emilia ondoko Sesson eta Comon.
Mediterraneo itsasoan hildako pertsona migratzaileak omendu zituen Mugak Zabalduz karabanak eguenean, hilaren 19an. Horretarako, talde bitan banatu ziren ekintzaileak. Lehenengoak Cataniako portuan bertan ekintza berezi bat egin zuen; besteak, berriz, Pozzaloko portuan dagoen barneratze-zentroaren kanpoaldean. Ondoren, arrastian, Europako kanpo-mugak zelatatzen dituen Frontex agentziaren kontrako manifestazioa egin zuten Catanian, bertako hainbat eragilegaz batera.
Palermoko Rotoli hilerria bisitatu zuen hilaren 17an Mugak Zabalduz Karabanak. Bertan, Mediterraneo itsasoan hildako pertsona migratzaileen memoria gorde gura dute Siziliako hiriburuko hainbat elkartek. Ekitaldi xume batean, 2015eko abuztuaren 5ean naufragio batean hildako 57 pertsona omendu ditu Karabanako ordezkaritza txiki batek.
Italiako, Frantziako eta Mugak Zabalduz Karabanako 4.000 pertsonatik gorak parte hartu zuen atzo Ventimiglian (Italia) egindako nazioarteko manifestazioan. Horretan, migranteek europar bizileku-baimena eskuratu ahal izateko eskubidea aldarrikatu zuten, besteak beste.
