Artzaintza eta laborantza oinarri dituen masai herria lurrik gabe geratzen ari da Tanzania iparraldean, herrialde horretako gobernuak eta agentzia turistikoek behartuta.
Oakland Institutuko txosten baten arabera, milaka eta milaka masaiek beren lurrak utzi dituzte eta ehunka etxe erre dizkiete urteotan, turistek safari bidaia egin ahal izan dezaten eta lehoiak, zebrak edota jirafak ehizatu ditzaten. Adibidez, Safari agentzia estatubatuarrak kanpamentua eraiki zuen euren herri erdian, bidea oztopatuz. "Irudikatu ezezagun bat iritsi eta zure etxe erdian eraikin izugarria egiten duela. Gure animaliek ezin dute ur-askara joan, ez dago beste biderik artzainentzat eta animalientzat", diote txostenean.
Lur desjabetze hauen errudun nagusitzat bi enpresa estatubatuar jo dituzte: Thomson Safaris eta Otterlo Business Corporation.
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.