Berdintasun planetatik harago, zer egin dezakegu?

  • Otsailaren 22an, Emakumeen eta Gizonen Soldata Berdintasunaren Aldeko Nazioarteko Egunean, lanean genero berdintasuna "planetatik praktikara" nola garatu aztertuko dute Hernanin, Beterri Saretuz egitasmoak kooperatiba eta proiektu eraldatzaileei zuzenduriko formazioan.

Beterri Saretuzek hainbat formazio saio eskaini izan du eta asteazken honetan genero berdintasuna enpresetan nola landu aztertuko dute. Argazkia: Beterri Saretuz / Bira Produkzioak

2023ko otsailaren 21an - 14:14
Azken eguneraketa: 16:05

Soldata arrakalaren kontrako nazioarteko egunean formazio saio berezia antolatu Beterri Saretuz egitasmoak Hernanin. Berdintasuna Enpresetan goiburupean, genero berdintasuna lanean praktikan nola jarri landuko dute, eta genero adierazleei begira ere jarriko dira horretarako.

"Zer izaten dugu kontuan eta zein ezaugarri gehiagori begiratu beharko genioke?" galderari erantzuten saiatuko dira. Horretarako, lehenik eta behin Elhuyar Fundazioko kide baten eskutik informazioa jasoko dute parte hartzaileek, dagoen araudiaren inguruan eta berdintasun diagnostikoei buruz. Eta ondoren hausnarketarako tartea izango da Hiruki Larroxa kooperatibaren eskutik, berdintasun plan batetik harago egin daitekeenaz hitz egiteko.

Formazio saio horren ostean, gainera, Beterri Saretuzek bidelaguntza bat izateko aukera eskainiko die kooperatiba eta enpresei, berdintasunera bidean urratsak ematen joateko. Azkenik, zikloa amaitzeko beste saio bat egingo dute aurrerago. Izena eman nahi duenak oraindik aukera du bere webgunean.

Beterri Saretuz ekimena 2019an sortu zen, Beterri-Buruntza eskualdean ekonomia eraldatzailean oinarrituriko ekosistema oso bat sustatzeko, kooperatibak,erakundeak eta hezkuntza eragileak ditu muinean. Gipuzkoako Foru Aldundiak laguntzen du diruz eta formazio saioak eta topaketak antolatu izan ditu, interkooperazioa, parte hartzea eta laneko-inklusioaren inguruan, besteak beste.


Kanal honetatik interesatuko zaizu: Ekonomia eraldatzailea
Olatukoop 10. urteurren ekitaldia
Ekonomia eta lurralde eraldaketarako konpromisoa berretsi du Olatukoopek

80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.


Olatukoop
Hamar urte lanean, denontzako bizitza oparoagoaren alde

Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]


Koopfabrika
Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]


Pertsona migratuentzako ekintzailetza kooperatiboa, bizi-proiektuak hobetzeko tresna bat

Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]


Eguneraketa berriak daude