Genero desberdintasuna gure jendartearen egitura guztietan dago. Behin eta berriz gogoraraztea komeni den ideia da hori, are gehiago Emakumearen Nazioarteko Eguna ospatzen dugun aste honetan. Ondorengo lerrootan enpresetako lan-harremanetan dagoen genero desberdintasunaz ariko gara. Haurrak zaintzeko laneko baimenen %96 emakumeek hartzen dute. Lan murrizketen %92 ere emakumeentzat izan ohi da. Horrek guztiak ondorio larriak ditu emakumeen etorkizunerako.
Adibide bat: Gasteizko Elecnorreko bost langileren kasua. Haietako lau lanegun murriztuarekin zeuden eta abenduan mahai gainean aukera zaila jarri zieten: Getafera (Madril) leku aldaketa onartu edo kaleratuak izan. Indemnizazio txiki bat jaso zuten arren, lanpostua galdu zuten. “Ez zuten guk hor lan egiterik nahi; denbora asko zebiltzan kexuka, lanegun murriztu eta epe luzeko baja asko zegoela esanez. Horregatik kendu gaituzte paretik”, diote emakume kaltetuek. Kontziente dira eurenak “ezkutuan egindako despidoak” izan direla, lan hori familia ardurarik ez duten beste pertsona batzuek egiten jarraitzen baitute orain Gasteizen.
Aitortutako eskubidea den arren, praktikan kontziliazioa oraindik eragozpena da lan-harremanetan. Eta emakumea da ia gehienetan hori sufritzen duena. Lan-harremanetan sakoneko aldaketa egin behar da desberdintasun hori desagertu dadin; horrek esan nahi du gobernuen politikak aldatu behar direla. Emakunderen mezuak dioen moduan, “berdintasun eza ez da berez sortzen, egin egiten da”. Egin dezagun berdintasuna txikitatik, familian, eskolan, unibertsitatean, gobernuetan, erakundeetan, lantegietan, komunikabideetan, publizitate agentzietan…
Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]
Historikoki egin diren entziklopedia gehienetan gizonezkoek leku handiagoa izan dute emakumezkoek baino. Wikipedian ehunekoa handiagoa bada ere, desoreka nabaria da. Gauza bera gertatzen da euskarazko Wikipedian ere. Hala ere, egoera horri buelta eman nahian ari dira wikilariak.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]