ARGIA.eus

2022ko abuztuaren 17a

"Berdean hezi" liburua, euskaraz irakurgai

  • Ordezkorik ez duen osasun, ongizate, ikasketa eta sormen iturri agorrezina da natura. Horregatik, haurrak ingurunearekin harremanean heztearen onurez eta eskolako jolastokiak eta hirietako espazioak berdetu beharraz mintzo zaigu Berdean hezi. Haurrak naturara hurbiltzeko ideiak liburua, Heike Freire psikologoak idatzia eta Txatxilipurdi elkartearen ekimenez Diego Martiartu Zugastik berriki euskaratua.

2015eko azaroaren 16a

Umea osasuntsu hazi dadin, gutxienez hiru ordu eman behar ditu egunean aire zabalean jolasten. Hala dio Heike Freirek, naturarekin interakzio zuzena duten haurrak erlaxatuago bizi direla eta adimen abstraktua, afektibitatea, gaitasun sozialak, autoestimua, sormena, enpatia… garatzeko lagungarri zaiela.

Praktika zabaldua da pedagogia berdea delakoa. Adibiderik garatuenetakoa baso-eskolak dira: natura bera da ikasgela eta egunean bospasei ordu egiten dituzte ikasleek naturan. Jolas librea eta inguruak emandako materiala dituzte oinarri didaktiko nagusiak eta makilarekin lurrean hizkiak margotuz ikasiko dute irakurtzen, edota inguruan aurkitutako harri, fruitu eta abarren bidez egingo dituzte matematikak.

Eskolako jolastokiak eraldatzetik hasi

Ikastetxeetako hezkuntza proiektuetan naturarekiko harremana integratzearen aldekoa da Berdean hezi. Gertu dauden espazio naturalak erabiltzera gonbidatzen ditu hezitzaileak, jolastokiak lorategi, baratze eta baso txiki bihurtzera, eta hirietako leku hutsak naturaz betetzeko deia egiten die herritarrei.

Tonucci, aurrekaria

Txatxilipurdik argitaratzen duen bigarren liburua da hau. Aurretik, Francesco Tonucci pedagogo italiarraren liburua euskaratu zuten: Haurren hiria. Hiria pentsatzeko beste modu bat. Funtsean, liburuaren oinarria da haurren beharretan oinarritzen den eta horren arabera antolatzen den herria, herritar guztien beharrak asebeteko dituen herria izango dela.

Kanal hauetan artxibatua: Hezkuntza  |  Hezkuntza  |  Haurren haziera

Hezkuntza kanaletik interesatuko zaizu...
2022-07-26 | ARGIA
"Fase kapitalista berriaren" aurrean, "bide-orri komunista propio eta eguneratua" aldarrikatu dute GKSk eta IAk

Lau eguneko Gazte Topagune Sozialista egin dute Durangon eta ekitaldi politikoan Gazte Koordinadora Sozialistak eta Ikasle Abertzaleek hartu dute hitza: “Burgesiaren eta politikari profesionalen sistema hautsi behar dugu, geure burua modu independentean antolatuz eta... [+]


Eskoletan Chromebook-ak eta Google Workspace erabiltzea debekatu du Danimarkak

Euskal Herriko eskola askotan bezala, Danimarkan ere Chromebook-ak eta Google Workspace (lehen G Suite for Education deitua) erabiltzen dira. 2021ean Danimarkako Datuen Babeserako Agentziak gailu eta softwarea horiek lehen hezkuntzan erabiltzeak dakartzan arriskuen ebaluazio bat... [+]


Irakurrienak
Argia buletina
Egunaren laburpena
zure e-postan
Eguneraketa berriak daude