Beñat Arrutik irabazi du Donostia Kultura VII. poesia lehiaketa
Balea Zuria argitaletxeak kaleratuko du, ekainean, Arrutiren estreinako literatur lana: Arkeologia haragitan.
Beñat Arruti Irigoienek (Zarautz, 1999) irabazi du idazle gazteentzako Donostia Kultura poesia lehiaketaren zazpigarren edizioa, Arkeologia haragitan lanarekin. Ekainean kaleratuko du Balea Zuria argitaletxeak.
Eli Tolaretxipi, Itxaro Borda eta Aritz Gorrotxategik osatu dute epaimahaia, eta Arrutiren "gogoeta eta hizkuntzaren distira" nabarmendu dituzte, besteak beste "aipuz eta irakurketaz ondo hornitua" datorren poema bilduma delako. Honela esan dute: "Berezko erritmo eta musika darie poemei, aisa irristatzen dira irakurlearen belarrietan, eta lan handia dago doitze horren atzetik. Lan orekatua eta koherentea da oro har, estilo eta tonu aldetik batasun handikoa".
Horrez gain, aurtengo edizioan "oso maila altua" egon dela nabarmendu dute Donostia Kultura poesia lehiaketako arduradunek, eta Arrutiren lana, Arkeologia haragitan deiturikoa, beste bi hauekin "oso estu" lehiatu da: Ahizpa beltza eta Hiria, diglosia, bakardadea.
EHUn egin ditu Psikologia ikasketak Arrutik, eta Bartzelonan, ondoren, Ikerketa eta Esku Hartze Psikosozialeko Masterra. Azken horretan ondu zuen generoari eta hitanoari buruzko tesina, zeina ARGIAk joan den otsailean –2860. ale zenbakian– argitaratutako erreportaje baten erreferentzia izan zen, eta erreportaje horretako solaskidetako bat izan zen Arruti bera. Gaur egun, adimen urritasuna dutenekin ari da lanean Arruti, Zarauzko eguneko zentro batean.
Oihane Jakaren poema liburua ireki eta eskaintza bi aurkituko ditugu. Aitari bata, seme-alabei bestea. Aipagarria da, topatuko ditugun poemekin lotura zuzena baitute.
Liburuaren egiturak hiru atal ditu: Hamaika urte, Hamaika hilabete eta Hamaika egun. Hamaika zenbakia asko... [+]
Yolanda Castañori Espainiako poesia sari nazionala jaso zuenez geroztik hamaika elkarrizketa egin dizkiote. Horietako baten lerroburua deigarria egin zitzaidan, esaten baitzuen saria irabaztea izan dela egin duen bigarren gauzarik zailena. Eta berehala hasi nintzen... [+]
Mendian, autoz kaletik orduerdira bizi den emakume artzain euskaldun-galegoaren eguneroko bizitzan nola eragiten dute gaurko munduan pil-pilean dauden gaiek? Klima larrialdia, berdez pintatutako kapitalismoa, basogintza, migrazioa, prekaritatea, begano mugimendua, elikadura... [+]
1966an Andima Ibiñagabeitia Idoiaga handiak Unai eta Alor-kantak itzulpena argitaratu zuen (Bucolicon liber eta Georgicon libri), Virgilio (K.a. 70-19) latindar poeta ospetsuenetarikoaren idazlanak osorik bilduz. Izugarrizko saioa egin zuen itzultzaileak kultura klasikoa... [+]