Ertzaintzak aitortu du pertsona bat euskaraz hitz egiteagatik identifikatu zuela
Donostiako Ertzain-etxeko burutzak onartu du herritarren hizkuntza eskubideak ez zituztela errespetatu maiatzean Donostiako Bizitza Da Handiena astean izandako identifikazio batean. Barkamena eskatu du ertzainen izenean eta agenteei jardunbide egokia zein den azaldu zaiela adierazi. Pertsona batek euskaraz hitz egiteko eskatu zien eta bera identifikatzeko eskatu zion ertzain batek. ARGIAk bideoan zabaldu zuen gertaera.
Maiatzean, 61 herri mugimendu eta sindikatuk elkarrekin deitu zuten borroka sozialen Bizitza Da Handiena astean gertatu zen. Ernaik turistifikazioaren aurkako prentsaurrekoa egin zuen laster irekiko duten hotel baten atarian. Amaitutakoan, hainbat ertzain joan ziren agerraldiko norbait identifikatzera. Berehala sortu zen hika-mika eta egoera grabatzen ari ziren herritar eta kazetariak identifikatzen hasi ziren ertzainak.
Egoera baretzear zela, euskaraz mintzo zitzaion eta euskaraz hitz egiteko eskatu zion herritar bati identifikatzeko eskatu zion ertzain batek gaztelaniaz. Haserrea eta are eta iskanbila handiagoa eragin zuen horrek. Hizkuntz Eskubideen Behatokiak salaketa formala jarri zuen.
Eusko Jaurlaritzako Segurtasun Sailak formalki erantzun dio Hizkuntz Eskubideen Behatokiari. Ondokoa dio hitzez hitz:
“Donostiako Ertzain-etxeko burutzak berariaz zehaztu du ez zela errespetatu aipatu bideoan agertzen diren herritarren eskubideak, agente jarduleekin harremanak euskaraz izatekoa, nahiz eta gertatutakoa tentsiodun polizia-jarduera batean gertatu zen eta azkenean agenteetako bat euskaraz mintzatu zitzaion”.
Ondoren, Ertzain-etxeko burutzak adierazi du agenteek barkamena eskatu dutela: “Jardueran esku hartu zuten ertzainei eta unitateko aginte-koadroari jardunbide egokia zein den jakinarazi zaie, eta berariaz eskatu digute beraien partez barkamena helarazteko”.
Behatokiak aitortu du beharrezko norabidean urratsa dela, baina herritarrak, aitortzatik harago bere eskubideen bermea merezi duela. Azkenik, Behatokiak zorionak eman dizkie ahaldundutako euskaldunei eta bide horretan jarraitzera gonbidatu ditu.
ARGIAk gertaera bideoan grabatu eta hedatu zuen.
Hainbat ertzain etorri dira agerraldiko norbait identifikatzera. Orduan, kamera eskuan grabatzen ari ginen guztiok obsesiboki identifikatu gaituzte. LARRIA: Jendea identifikatzen hasita, euskaraz hitz egiteagatik identifikatu du Ertzaintzak pertsona bat. #BizitzaDaHandiena pic.twitter.com/ZFfFtVd1hJ
— Lander Arbelaitz (@larbelaitz) 2018(e)ko maiatzaren 21(a)
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Oraingoz hamabi gazte-taldek eman dute izena. Taldeen arteko bikoteak osatuko dituzte, eta haien arteko harreman informalak euskaratik eta euskaraz garatuko dituzte. Helburua da kontzientzia linguistikoa berpiztea. Euskal Herrian Euskarazek eta Gazte Euskaltzaleon Sareak abian... [+]
Hizkuntz Eskubideen Behatokiak argudiatu du kontraesanean daudela jardunaldien helburua, hau da, gaztelania bultzatzea, eta euskararen normalizazioa eta biziberritzea. Observatorio Global del Español erakunde antolatzaileari gutunez eman dio erabakiaren berri, eta 2024an... [+]
Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]
Nafarroako Unibertsitate Publikoko Euskara Taldeak inkesta bat egin du ikasleen artean. Halaber, euskara plana ikasturte honetan amaitzen dela ikusirik proposamen berriak egin dizkiote unibertsitateko zuzendaritzari. NUPen euskaraz ikastea "ezinezkoa" dela ere salatu... [+]
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]