BBCk Irlandako gaeleraren aurka jarduten duela salatu dute

  • BBC Erresuma Batuko hedabide publikoak Irlandako gaelerari emaniko tratua salatu dute hizkuntzaren aldeko ekintzaileek; hamarnaka lagunek elkarretaratzea egin dute komunikabideak Belfasten duen egoitza kanpoan, eta kexa ezarri diote.


2016ko maiatzaren 10an - 10:36
Hamarnaka lagunek elkarretaratzea egin dute komunikabideak Belfasten duen egoitza kanpoan. (Arg: Sinn Féin)

BBCk hauteskundeen harira antolatzen dituen bi eztabaida saiotan hartu du parte Cónall Ó Corra ekintzaileak; hautagaiak itauntzeko aukera eskaini zioten. Komunikabide publikoak ez zion Irlandako gaeleraren inguruko galderetan sakontzen utzi. “Good Friday Agreement Generation saioan hizkuntzaren inguruan galdegitea lortu nuen arren, ezin izan nuen sakondu”, salatu du.

Niall Ó Donnghaile Sinn Féin alderdiko kide eta Irlandako Errepublikako senatariak ere parte hartu du protesta ekitaldian. “Hedabide publiko batek komunitate osoa islatu behar duen neurrian, BBCn presente egon behar luke Irlandako gaelerak, baita hiztunaren kezkak ere”, adierazi du.

Bere aldetik, BBCk azaldu du Irlandako gaelerak presentzia izan baduela komunikabidean. Gogorarazi du Nothern Ireland Screen Ipar Irlandako telebista agentziaren kolaborazioez elikatzen dela, besteak beste.

Protestaren bideoa hedatu dute:

 


Kanal honetatik interesatuko zaizu: Gaeliko irlandarra
2024-02-05 | Cira Crespo
EUROPAKO TXIKI(TU)AK
Marginaliak


Irlandera, hizkuntza ofiziala estreinakoz Ipar Irlandan

2022ko abenduaren 6an Ipar Irlandako mugimendu errepublikanoaren aldarrikapen historikoetako bat gauzatu zen: data horretatik aurrera, Irlandako berezko hizkuntza ofiziala da, lehenbizikoz, Ipar Irlandako sei konderrietan.


2020-09-11 | Axier Lopez
Erresuma Batua ez dela hizkuntza gutxituak sustatzen ari salatu du Europako Kontseiluak

Hizkuntza Gutxituen Europako Gutuna sinatu badu ere, Erresuma Batuak ez ditu bete itunak ezartzen dizkion betebeharrak. Kornubiera, Irlandako gaelera eta Ulsterko eskoziera dira kaltetuak, Europako Kontseiluak argitaratutako txostenaren arabera.


2018-03-13 | ARGIA
Abian da Irlandan gaelikoaren aldeko ‘Rith’ Korrika

Martxoaren 11n hasi dute gaeliko irlandarraren aldeko Rith ekimena. Irlandako osoa goitik behera zeharkatuko du astebetez; Belfastetik Kerryra. Guztira, 500 kilometro baino gehiagoko ibilbidea antolatu dute bosgarren ediziorako. Rith hitzak “korrika egin” esan nahi... [+]


2018-02-02 | ARGIA
Ipar Irlandan gaelikoarentzat lege babesa eskatu dute ehunka herritarrek

Gaeliko hiztunen eskubideak babesteko araudia eskatzen dute. Manifestazioa otsailaren 1ean egin zen.


Eguneraketa berriak daude