Urriaren 17tik 19ra eginen ditu Espainiako Armadak maniobrak, beste behin. Tiro Poligonoaren Aurkako Taldeak salatu du "Parke Naturalean gailentzen dela maniobra horiek egiteagatik Armadak ordaintzen duen kanona segurtasuna eta ingurumenaren gainetik".
Benetako bonbek berriz ere eztanda eginen dute Bardeako lurrean. Eta zeruan gerrarako erabiltzen dituzten hegazkinen orruak entzunen dira. Espainiako Armadak Bardea erabiliko du beste behin ariketa militarrak egiteko. Urriaren 17tik 19ra iragarri dituzte maniobrak eta horren erruz moztu eginen dute Bardeako Parke Naturaleko zenbait bideetarako sarbidea. Tiro Poligonoaren Aurkako Taldeak salatu du Bardeako Komunitateari (Bardeako Parke Naturala kudeatzeaz arduratzen dena) gehiago komeni zaiola "Armadak ordaintzen duen kanona jasotzea maniobra horiek egiteagatik Parke Naturala zaintzea baino".
Bardeak Libre 2018 taldeak mobilizazioak deitu ditu azaroaren 18rako.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]
Bardeak Ya plataformak salatu du ostegun iluntzean "bi eztanda handi" entzun zirela Tuteran eta Zaragozako zenbait herritan. Benetako munizioa erabiltzen ari da Espainiako Armada ariketa militarrak egiteko. "Bisitariei ohartarazten ari zaizkie laser armak ere... [+]
Benetako armak erabili dituzte eta ostirala arte ariko da Espainiako Armada parajean bonbak botatzen.
Espainiako Defentsa Ministerioak ez du argitu benetako sua erabiltzen ari diren ala ez. Aurreko astean erabili zuten, herritarrak abisatu gabe.