Baldintzarik gabeko legezko abortua onartu dute Irlandan
Legea indarrean egotera pasako da Michael D. Higgins presidenteak hau sinatzen duenean. Behin pauso hori emandakoan, haurdunaldiko lehen hamabi asteetan abortatzea legezkoa izango da edozein kasutan.
Maiatzaren 25ean, Irlandako Errepublikako Gobernuak erreferenduma egin zuen, herritarrei abortu legearen gaineko araudia aldatzeari buruz galdetzeko. Abortatzeko eskubidearen aldeko hautua gailendu zen, %66,4 abortua zigortzen zuen 40.3.3 artikulua ezabatzearen alde agertu baitzen. Zazpi hilabeteren ostean, parlamentuak abortua legeztatzen duen lege proiektua onartu berri du. Legea indarrean egotera igaroko da Michael D. Higgins Irlandako presidenteak sinatzen duenean.
Aldaketa nabarmena
Irlandako Konstituzioa sortu zenetik abortua inoiz ez da legezkoa izan, beraz lege hau indarrean jartzea Irlandako emakumeen oinarrizko giza eskubideei dagokienez aurrerapauso nabarmena izango da.
Irlandako Gobernuak jakinarazitakoaren arabera, behin lege berria ezarrita, lehen hamabi asteetan abortatzea legezkoa izango da kasu guztietan. Emakumeak medikuari abortatzeko erabakia jakinarazi eta behin aukera aztertuta, 72 orduren ostean emakumeak erabaki berbera mantenduz gero abortatzeko pilula bat emango zaio.
Hamabi eta 24 asteko abortuei dagokienez, ordea, soilik kasu batzuetan abortatu ahalko dute emakumeek: euren bizitza arriskuan baldin badago, edo haurdunaldiak beraien osasuna arriskuan jartzen badu. Abortatzea beharrezkoa den erabakitzeko bi medikuren aholkularitza eskatuko da kasu hauetan.
24 astetik gorako haurdunaldietan, bestalde, abortua bakarrik izango da posible baldin eta fetuak uterotik kanpo bizirik irauteko aukerarik ez badu.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".