Azterketak euskaraz pasatzearen aldeko mobilizazio eguna antolatu dute Euskal Herri osorako
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.
Elkarretaratzeak, manifestazioak, bide blokeoak, une zaratatsuak, kalejirak ala beste: bakoitzak bere modura, baina denak azterketak euskaraz pasatzearen alde. Horra, maiatzaren 17rako Bernat Etxepare lizeoko ikasleek irudikatu duten ekimen berria. Aurtengo Korrikaren kari egindakoa errepikatuz, Euskal Herri osora zabaldu dute azterketak euskaraz pasatzeko eskubidearen adeko mobilizazioa.
Beste behin ere baxoa frantsesez pasa beharko duten honetan, ondoko mezua zabaldu dute: "Noiz arte onartuko dugu mespretxu hau gure hizkuntzarekiko? Aski da errateko tenorea da, herri bat aitzinean dutela erakutsi behar diegu, herri bat bere hizkuntza babesten". Ikastola, ikastetxe, elkarte, herri mugimenduko eragile eta euskaltzale orori luzatu diete mobilizaziorako deia. "Gure txikitasunetik ezinezkoa zaigu Euskal Herriko bazter guzietara heltzea, baina bazter guzietan badira euskaldunak gure zauria bere egin dutenak, Korrikan erakutsi zeniguten bezala", irakurri daiteke ikasle asanbladaren agirian.
Egunean bertan, sare sozialen bidez osatuko lukete guztien arteko sarea, eta horretarako #EuskarazIkasiMatxinada eta #EuskarazBiziMatxinada traolekin zabaltzeko deia egin diete mobilizatuko diren guztiei.
Hemen mobilizaziorako deia dakarren bideoa:
2023ko otsailean EAEko Justizia Auzitegi Nagusiak balio gabe utzi zuen Uliazpi Fundazioko 34 zaintzaileren lan deialdirako hizkuntz eskakizuna. Fundazioko langile batzordeak eta Foru Aldundiak sententzia salatu zuten. Euskalgintzaren Kontseiluak adierazi du oldarraldi judizialak... [+]
LABek ohartarazi du Gipuzkoako Foru Aldundiko behin-behineko 119 langileak egonkortzeko egin den bidea bertan behera gelditu daitekeela, hizkuntza eskakizuna ezarri izanagatik helegitea aurkeztu dutelako. LABek eta ELAk elkarretaratzea deitu dute otsailaren 16rako, Donostian.
Errenteria-Oreretako Aurrera tabernako zerbitzariak euskararekiko "mespretxuz" eta oldarkor erantzun zion euskaraz eskatu zuen bezero bati euskalgintzako hainbat kidek salatu dutenez.
Zizurko Udalaren obretako langile lanpostu baten euskarazko profila atzera bota du Iruñeko Administrazioarekiko Auzien 3. Epaitegiak. Erabaki horren aurka elkarretaratzera deitu dute hainbat eragilek. Hizkuntza Eskubideen Behatokiko zuzendari Agurne Gaubekaren aburuz,... [+]