Aztarna ekologikoa murrizteko neurriak hartzen hasi da ARGIA liburuen eta aldizkariaren ekoizpenean

  • Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu ditu eta aldizkariarekin gauza bera egingo du laster.


2023ko azaroaren 08an - 08:54
Azken eguneraketa: 10:10
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

ARGIA bere liburuak ekoeditatzen hasi da. Argitalpenen sektorean jasangarritasuna eta paper birziklatua sarritan aipatzen badira ere, ba al dakigu benetan irakurtzen ari garen horrek zein bide egin duen gure eskuetara iritsi aurretik? Hedabide honek bere liburuen aztarna ekologikoa neurtu eta garbi adieraziko du hemendik aurrera zigilu baten bidez, eta aldizkariarekin gauza bera egingo du laster.

Lehendik ere Bizi Baratzea saileko produktuetan erabili izan ditu ARGIAk aztarna ekologikoa neurtzeko tresna batzuk, baina oraingoan Kataluniako Ekoedizioaren Institutuarekin hasi da zuzenean lanean eta bazkide egin da. Ekoedizioaren Institutua 2022an sortu zen Pol·len eta Comanegra argitaletxeen eskutik, liburu ekoizpenak eragiten zuen kutsaduragatik kezkatuta.

Zigilu bat jarri dute martxan, kalkulagailu baten bidez liburuaren bizi-zikloa neurtu duena: tokiko ekoizpena, ziurtaturiko papera, karbono-aztarna, tinta, inpresioaren ingurumen-inpaktua… Hori guztia ikuskatu egiten da ondoren. Gehiago jakiteko aste honetan kaleratutako Ekoedizioa: nola murriztu liburuak sortzen duen kutsadura erreportajea irakurri daiteke.

Kalkulagailu baten bidez liburuaren bizi-zikloa neurtu du zigiluak: tokiko ekoizpena, ziurtaturiko papera, karbono-aztarna, tinta, inpresioaren ingurumen-inpaktua… Hori guztia ikuskatu egiten da ondoren

Europan halako zigilu bakarra

Europan halako zigilua kudeatzen duen institutu bakarra da Kataluniakoa, eta Euskal Herrian bazkide egiteko pausoa eman duen lehen hedabidea da ARGIA, baina eragile gehiago batzea da helburua, institutuko kideek adierazi dutenez.

Irailetik hona argitaratutako sei liburu ekoeditatu ditu jadanik ARGIAk –webguneko Azokan daude eskuragai–, eta lanean ari da aldizkariarekin gauza bera egiteko. Jakina da aztarna ekologikoa ezin dela erabat ezabatu –horregatik da garrantzitsua irakurleek kutsadura mailaren berri izatea argitalpenean bertan–, baina ahalik eta txikiena izan dadila lortzea da helburua.

Ekoedizioaren zigilua eramateko, orain arte bezala Antza inprimategiko lagunekin orpoz-orpo lanean aritzea ezinbestekoa izango zaio hedabide honi, eta ekoizpen bakoitzean etxeko lanak egitea aztarna gutxitzeko neurriak hartzeko, nahiz eta horrek aparteko kostu ekonomiko bat suposatuko dien Antzari eta ARGIAri.

Horrelako eta antzeko ekimenak posible egin ahal izateko, komunikazio proiektu honek bere komunitatearen eta ARGIAko kide diren milaka herritarren diru-ekarpena jaso du, eta eskerrak eman nahi dizkie emandako babesagatik.


Kanal honetatik interesatuko zaizu: Ekonomia eraldatzailea
Iruñeko Kale Nagusian 1.500 metro koadroko eraikin bat erosi dute Katakrakek eta Koop57k

Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]


Lau, hiru, bi, bat… Gora Olatukoop! Ekonomia eraldatzailearen festa Donostian

Ekonomia Sozial Eraldatzailearen Sareak, Olatukoopek, hamar urte bete ditu, eta larunbatean festa egin dute Donostian, sareko kide eta partaideen artean. Ekonomia eta kooperatibismoa beste ikuspegi batez landu litezkeela aldarrikatu (eta frogatu) dute: herrigintzatik, herritar... [+]


Olatukoop 10. urteurren ekitaldia
Ekonomia eta lurralde eraldaketarako konpromisoa berretsi du Olatukoopek

80 bat lagun batu dira Iruñeko Katakraken aretoan, ekonomia sozial eraldatzailearen erreferentzia bihurturiko Olatukoop sarearen hamar urteak ospatzeko. Ekonomia eta lurraldeak eraldatzeko proposamenak zehatz-mehatz aurkezteko ekimena izan da.


Koopfabrika
Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]


Olatukoop
Hamar urte lanean, denontzako bizitza oparoagoaren alde

Gizartea eraldatzeko helburuz jaio zen Ekonomia Sozial Eraldatzailearen mugimendua Euskal Herrian duela hamar urte, Olatukoop sarean bilduta. Denbora honetan ez da gutxi egindakoa: hamaika kooperatiba eta ekimen jarri dituzte martxan, eta sarea zabaldu egin da. Baina erronkak... [+]


Pertsona migratuentzako ekintzailetza kooperatiboa, bizi-proiektuak hobetzeko tresna bat

Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]


2024-03-03 | Garazi Zabaleta
Azokoop
Pirinioetako Artzibarren lan eta bizi: hurbileko kontsumorako denda eta proiektua

Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]


Marinaledako lur komunalak espekulatzaile pribatuen eskuetan gera daitezkeela ohartarazi dute

Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]


Udalgintza eta herrigintza eraldatzailea: Euskal Herriko ekimen burujabeak saretzeko jardunaldiak Hernanin

Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]


‘Laia’ aldizkaria, ARGIArekin batera

Bidasoaldeko irakurlea bazara, honezkero izango dira hiru urte Laia aldizkariaren lehen alea jaso zenuela etxean. BDSKOOP eraldaketa fabrikak –eskualdean Ekonomia Sozial Eraldatzailean dabiltzan kooperatiba eta proiektuak biltzen dituen elkartea– Behe Bidasoan eta... [+]


Olatukoopek Saretze Eguna egingo du Gasteizen, ekonomia eraldatzaileko eragileen artean harremanak josteko

Olatukoopeko kideak Montehermoso kulturunean bilduko dira larunbatean, Saretze Egunean. Gasteizen eta Araban ekonomia eraldatzailera hurbildu nahi duten eragileekin "harremanak jostea" izango da helburua.


Aiala Zubieta Bertiz
“Ingurumenean ere enpresa txikiok gure norabidea jarri behar dugu”

Ingurumenaren eta jasangarritasunaren inguruan aholkularitza eskaintzen duen Isladak kooperatibako kidea da Aiala Zubieta Bertiz. Berriki, formazioa eskaini die ekonomia eraldatzaileko kooperatiba eta proiektuei, Beterri Saretuz ekimenak Usurbilgo Lanbide Eskolan antolatuta,... [+]


2023-03-16 | ARGIA
Proiektu eraldatzaileetan dabiltzan emakumeen foroa egingo dute Andoainen

Beterri-Buruntza eskualdeko ekonomia eraldatzailearen sareak antolatuta, hainbat kooperatiba, proiektu eta enpresa komunitariotan dabiltzan emakumeak bilduko dira Leitzarango Bisitarien Etxean, aitortza, konfidantza eta ahalduntzea lantzeko.


Eguneraketa berriak daude