“Azpeitiarrok Barakaldon jaio bagina, zalantzak dauzkat euskaraz ala gaztelaniaz egingo genukeen”
Eneritz Albizu Natul Azpeitiko euskara talde sortu berriko kidea elkarrizketatu dugu. Euskal Herriko herri euskaldunenetakoan euskara taldea sortu dute, herritarrek euskararekiko kontzientzia gutxi dutela uste baitute.
Zergatik sortu duzue euskara taldea Azpeitian?
Jende askok galdetuko du Azpeitian zergatik sortu euskara elkarte bat. Izan ere, ikusten da egoera onean dagoela euskara, kalean ere euskara erabiltzen da, baina guk ikusten dugu kontzientzia falta dela herritarren aldetik. Euskara erabiltzen dugu eta euskaraz bizi gara hemen, normala hori delako. Deskuido batean Barakaldon edo beste edozein tokitan jaio izan bagina, zalantzak dauzkat nola egingo genukeen, euskaraz ala gaztelaniaz. Ez dugu euskaraz egiten gure hizkuntza dela sentitzen dugulako. Txikitatik horrelaxe eman digute, eskolan, kalean, hori ikasi dugu eta pentsatu gabe egiten dugu.
Gure asmoa jendea aktibatzea, kontzientziatzea da, konturatzea euskara zaindu behar den gauza bat dela. Inoiz ez dakigu belaunaldi batetik bestera zer gertatuko den eta gure hizkuntzari buruz pentsaera garbia ez badaukagu, baliteke galtzea edo behintzat osasuna galtzea.
Gure gorputzarekin gertatzen den bezalaxe da. Gaixo ez bagaude ere, komeni da kirola egitea eta beste, zaintzea. Hizkuntzarekin gauza bera. Osasuntsu dago baina badagokigu hizkuntza zaintzea.
Zein bildu zarete taldean?
Sei gara oraingoz. 40 urtetik beherakoak denak. Uemarekin elkarlanean arnasguneen tailerra egin genuen. Hara gerturatu zen jendearekin-eta hasi ginen pentsatzen zer edo zer egiterik ba ote zegoen.
Jendeak kontzientziarik ez duenaren erakusgarri da tailerra. Hamar bat lagun bildu ginen, 14.000 biztanleko herrian.
Kontzientzia gabeziagatik.
Batek baino gehiagok esan digu ea beharrezkoa iruditzen al zaigun Azpeitian euskara talde bat edukitzea.
Zein motatako lana egiteko asmoa duzue?
Kontzientzia landu nahi dugunez, gure asmoa banaka pertsonak aktibatzea da. Ekimenak antolatu nahi ditugu pertsona orok banaka parte hartzeko aukera izan dezan. Adibidez, izen-abizenak euskaratzea izan da lehenengoa eta hori egin nahi zuen pertsonak berak joan behar zuen informazio puntura.
Oraindik ez dugu ideia oso ondo landu baina adibidez Lanbideko bulegoko ia langile guztiak erdaldunak dira. Pentsatzen ari gara hara joan eta erdaraz egiten badigute norbanakoak esatea “ez, euskalduna etorri zain egongo naiz” edo erreklamazio orria bete. Pertsona bakoitzak konpromisoa har dezala han euskaraz egiteko, euskaraz egiteko eskatzeko, eta ezin badu hala egin kexatzeko.
Taldea estreinatzeko izen-abizenak euskaratzeko ekimena egin duzue. Gustura emaitzarekin?
118 eskaera izan ditugu bi egunetan. Gustura gaude.
Gaixoaldi baten ondorioz, 65 urterekin hil da Daniel Larrea Mendizabal.
Euskalgintzaren Kontseiluak deituta, Espainiako Auzitegi Gorenak joan den astean ebatzitako sententzia salatzeko prentsaurreko bateratua egin dute Bilbon. Sententzia "euskal gizartearen eta euskal erakundeen borondate demokratikoaren aurkako eraso zuzena" dela... [+]
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]
UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen... [+]
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Euskal Herrian euskara "hainbatetan ukatua edo bigarren hizkuntza bezala tratatua" dela salatu du EHEk, eta egoera hobetzeko hizkuntza politiketan jauziak egitea ezinbestekoa dela adierazi du. Hori dela eta, elkarretaratzeak egingo ditu Maulen, Donapaleun eta Baionan,... [+]
UEMA Udalerri Euskaldunen Mankomunitatearen eskariz, 2036an Hego Euskal Herrian euskararen egoera zein izanen den aztertu du Siadeco ikerketa etxeak. Hipotesi batzuk beteko balira, hemendik hamar urtera ukanen genukeen errealitate soziolinguistikoari begiratuta, "egoera... [+]
Joxe Azurmendi (Zegama, Gipuzkoa, 1941-2025) idazle, filosofo eta saiakeragilea zendu da. Literatura eta pentsamenduaren arloan lan itzela egindakoa, intelektual gisa ez ezik, euskararen eta kulturgintzaren aldeko mugimenduetan engaiaturik eman zuen bizitza osoa. Besteak... [+]
Joan den maiatzaren 23an iragan da, Baigorriko elizan, aparteko kontzertu bat: 180 haurrek, 7 eta 15 urte artekoek, maila handiko kantu emanaldia eskaini diote eliza mukuru bete zuen jendeari. Haur horietarik batzuk Donazaharre eta Baigorri aldean kokatua den Iparralai musika... [+]
Azkoitian egindako aurtengo lehenengo batzar nagusian batu dira UEMAra ondoko bost herri hauek: Donamaria, Ibarrangelu, Mundaka, Mutiloa eta Ormaiztegi.
Aurten, berriz ere, Euskaraldia izan dugu. Bi astez, gure hizkuntza-ohiturei erreparatu diegu, geure buruari galdetuta zenbat eta nola egiten dugun euskaraz. Baina ariketa horretatik harago, galdera handiago bat ere pizten da: zeren araberakoa da hizkuntza baten biziraupena?... [+]
Sarean jarri dute "Belarribizi eta Ahoprest" laburmetraia, joan den igandean itxi zen 2025eko Euskaraldiaren aitzakiarekin Oskar Alegria zinegileak Artazu herrian udaberri honetan filmatu duen lana. Belarriprest eta ahobizi kontzeptuen gaineko... [+]