Azken eraso faxisten kontra kontzentrazioa egin dute Bilbon
Joan den asteburuan Artxandako (Bilbo) gudari eta milizianoen monumentuari egindako erasoa salatu dute Sare Antifaxistak deitutako kontzentrazioan.
“Euskal Herria faxismo eta arrazakeriaren kontra” leloarekin astelehen arratsaldean egin dute kontzentrazioa. 1936ko biktimekiko iraina ikusi dute antifaxistek pasa den asteko pintaden atzean. Artxandako erasoaz gain, espainiar banderak jarri izana edo Hontzak konpartsak jasandako zentsura ere salatu dituzte.
Mobilizazio eta ekimen ugari egiten ari dira Bilboko Aste Nagusiaren baitan, eta horregatik hurbildutako konpartsakideei eskerrak eman dizkiete bertan bildutakoek.
Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.
Loiolako kuartelen salerosketa behingoz sinatuta, udalak auzune berri bat sortuko du han. Beste esku hartze batzuen artean, kuartelen eta Loiolaren arteko zubia botako dute, ibaiarentzako oztopo bat delako. Aurretik, ordea, komeni zubi esanguratsu horren historia errepasatzea.
Idazle frantziarrak Euskal Herriaren askapenarekiko abegikortasun handia zuen. Nazismoaren biktima izan zen, eta Marokoko erregimenaren indarkeriak argitara ematen erreferentea. Normandiako bere etxean hil da, 92 urterekin.