Bilboko Hontzak konpartsaren txosnatik "Vatikanoko harategiak" izeneko dekorazioa kendu du astelehen goizean Ertzaintzak.
Gotzaingoak jarri zuen salaketa asteburuan txosnak "biraozko" edukiak zituelakoan. Bilboko 3. Instrukzio Auzitegiak bart agindu du dekorazioa kentzeko eta bertan zeudenak identifikatzeko.
Larunbatean hasi ziren Bilboko jaiak eta Hontzak konpartsaren dekorazioak hasieratik piztu zuen polemika. Esaterako, Alderdi Popularrak gogor salatu zuen bere edukia, kristauak mintzen zituelakoan. Kristoren gorputzarekin egindako harategi batean oinarritzen da txoznaren dekorazioa, honako esaldiarekin: “Hartzazue ta jan, nire haragia baita”.
Sare sozialetan bolo-bolo dabil gaia. Kaskagorri konpartsaren txioan ikus liteke Ertzaintzaren partehartzearen sekuentzia:
ADI!
Ertzaintzak @Hontzak eko dekorazioko "Jesukristoa" lapurtu egin du, kristauak "mintzeagatik"
Nacionalcatolicismo en el siglo XXI#Nazka pic.twitter.com/MoMZFzJXDu
— Kaskagorri (@kskgorri) 2017(e)ko abuztuak 21
Luberri Konpartsak salatu du Mugimendu Sozialistarekin duen harremanagatik debekatu diola Bilboko Konpartsen Federakundeak parte hartzea, eta dei egin dio "erabakia birpentsatu" dezan. Ezker Abertzalea seinalatu dute ezarritako debekuaren "erantzule politiko"... [+]
Elkarlan Uholdea kanpainaren ekitaldi nagusia egin dute larunbatean. Elkarlanari eustera deitu dute, Lurraren beroketaren ondorioz ugaritu litezkeen muturreko klima gertakarien aurrean.
Iazko jaietatik %50 bat igo dira atxiloketak, eta Bilboko alkateak “poliziaren presentzia handiarengatik” dela dio. Konpartsek polizia indarkeriaren ondorioz egindako salaketaren inguruan, Juan Mari Aburtok adierazi du ez duela haiekin hortaz hitz egin behar.
Udaletxearekin duten harremana guztiz aldatu dela eta iaz ez bezala, "konpartsen festa ereduaren aurkako erasoak" jasan dituztela salatu dute. Besteen artean, manteroen aurkako erasoak, propaganda politikoa kentzea eta kalez jantzitako polizien mehatxuak salatu... [+]
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.