Azken alabaren azken ekarpena

  • Arabako Bertso Kuadrilla Artekoaren saio bat jokatu zen Oionen, urtarrilaren 27an, Azkenak elkartean. Legutioko Tribitu taldea eta Araba Errioxako Txandrio lehiatu ziren. Txandrio sailkatu zen finalaurrekoetarako. Hauxe duzu kronika.

Edurne Azkarate
2018ko urtarrilaren 29a
Araba Errioxako Txandrio taldea akzioan: Orlando Arreitunandia, Iker Olabarrieta eta Unai Bengoetxea. Argazkia: Ibai Roitegi.

Urtarrilak 27 zituela iritsi zen Bertso Eguna, Oionera hain zuzen ere. Azkenak elkarteari kea zerion hirurogeita hamar entzule eta parte-hartzaileon masail gorriak zirela medio. Arabako Errioxako Txandrio eta Legutioko Tribitu bertso eskolak lehiatu ziren bertan, bai, baina hasi gaitezen hasieratik.

Euskal Herriko toki honetan zerbait ospatzen dugun aldiro bezala, egun osoko plana egin genuen, izan ere, bertso saio bakoitza jaialdi bihurtu ohi zaigu. Tabernetan zehar eta Irule elkarteko trikitilariek lagunduta egin genuen beroketa bazkaltzera joan aurretik. Ostean, Oihane Pereak entrenatzen duen San Bizente ikastolako San-Bi taldeak, bertso paperekin deskortxatu zuen bertso saioa, Aldapan Gora abestiaren “Wifirik gabe” bertsioarekin. Bertsolariei bidea majo leundu zieten, Azkenaken dezibelio dantzaldia abian zen.

Bertso papera, bertso mugikorra bilakatu zen nerabeekin. Argazkia: Ibai Rotegi.

Saio puntuagarriari taldekako agurrarekin ekin zioten etxekoek, Hotel California “Ongi Etorri Errioxara” bilakatuz, horrezkero entzuleen artean bazen emozioz malkoak isuri zituenik. Araban jada klasikoa den agur probokatzaile eta originala egin zuen Tribituk, horrelakoak gara, eta gustatzen zaigu. Gauza garrantzitsuez hitz egin behar denean bezala, mahai baten bueltan jarraitu zuen saioak, lehenengo iladan pozez eta adi San-Bi taldekoak zeudela. Etxetik Orlando Arreitunandia, Iker Olabarrieta eta Unai Bengoetxea eta Zuiatik Maria Fuentes Iñaki Lertxundi eta Josu Ormaetxea zortziko handian, txikian, lau oinak emanda, bukaera emanda, puntuari erantzuten, kartzelako lanetan eta kopletan kantari jardun zuten. Bakanala. Bertsolariak bakarka ondo aritu baziren ere, taldekako lanetan kuadrilartekoaren mamia nabarmendu zen, beraz, agurrak elkarrekin abestu zituzten Aita Semeak eta Ama Alabak doinuan.

Legutioko Tribitu taldea: Maria Fuentes Iñaki Lertxundi eta Josu Ormaetxea. Argazkia: Ibai Rotegi.

Saioa amaitu eta epaileek emaitza eman zuten. Txandrio garaile! Egia esan, txandrio asko egin gabe ari dira errioxarrak aurtengo txapelketan... Ez dakizuenentzat, gure eskualdean asko erabiltzen den hitza da txandrio; etimologikoki “etxe” hitzetik omen dator eta gaiztakeriarik gabe bihurrikeria bat egitea esan nahi du, zerbait hankaz gora jartzea, nahaste-borraste bat egitea.

Gure ekosistemak nahiko txandriotuta bukatu zuen, hasieratik zegoen bezala, alegia. Izan ere, gure nortasun anitzaren islada izan zen entzulegoa, eskualdetik ez ezik Andoaindik, Eibartik eta Italiatik ere (bai, bai, Italiatik) etorri zitzaizkigun, baita bertsolaritzaren Meka bihurtu den Hernanitik ere, alabaina, beti dago elkarrengandik zer ikasi. Dirudienez larunbatean ertzak periferian batu ginen eta bertan 2018. urteko Bertso Eguna historiko bilakatu zaigu. Arabako Errioxak egokitutako taldeko saioak lehenbizikoz irabazi ondoren Arabako Kuadrilen Arteko Txapelketako finalerdietara sailkatu da!

Entzulea dena ematen, giroaren erakusgarri. Argazkia: Ibai Rotegi.

Maitasunez egiten dugun lanaren oihartzuna geratu zen Azkenaken eta hau da azken alabak egindako azken ekarpena.

Zuek zer moduz Mungian?

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Arabako Bertso Kuadrilla Artekoa  |  Oion

Arabako Bertso Kuadrilla Artekoa kanaletik interesatuko zaizu...
2018-03-19 | Bertsozale.eus
Aramaioko Ibabeko Bertaren Bilobak garaile

Larunbata, hilak 17, Gasteizko Alde Zaharrean aurtengo Kuadrilla artekoaren finala eta jai eguna ospatu zen. Arabar bertso Kuadrillen eguna ere bai, parte izan diren 14 taldeetako lagunak lanerako, bertsotarako eta gozatzeko prest, talde bakoitzak bere hazitxoa jarri zuen eguna borobiltzeko.


2018-03-19 | Bertsozale.eus
Aramaioko Ibabeko Bertaren Bilobak garaile

Urtarrilean hasiera eman zion 2018ko Kuadrilla artekoak, 14 saio eta 3 finalaurrekoren ostean helmugara heldu zen larunbatean ospatutako finalarekin. Bat bateko 14 talde eta idatzizko modalitatean 16 talde aritu ziren, denera 300 lagun inguru. Bertsozale.eus-ek egunaren  kronika egin du.


2018-03-14 | Bertsozale.eus
Martxoaren 17an, Gasteizko Alde Zaharrean, Arabako Bertso-Kuadrilla artekoaren finala

Arabar Errioxa, Aramaio eta Errekaleorreko taldeak dira finalistak. Egun osoko festa izango da eta bazkalostean, 17:00etan hasiko da finala.


2018-01-15 | Arabako Alea
Arabako Bertso Kuadrilla txapelketa martxan dago

2018ko edizioak txapelketa formatua edukiko du, eta guztira, 320 parte hartzaile.


Araban lehiarik gabe egiten dute bertsotan

Lehiarik gabeko bertso egitasmo bati ekingo diote otsailaren 1etik apirilaren 5era bitarte Araban: Arabako Bertso Kuadrilla Artekoari. Ekimenaren baitan, formatu eta estilo anitzeko 20 bertso saio prestatu dituzte.


Azkenak
EGILEA
Eguneraketa berriak daude