Azazetako zentral eolikoari baimena eman dio Jaurlaritzak
Aixeindar enpresak Arabako zentral eoliko honetan ezarri nahi dituen zortzi haize erroten proiektuak Jaurlaritzaren baimena jaso du. Ebazpena maiatzaren 2an argitaratu da Euskal Herriko Agintaritzaren Aldizkarian. Bertan jartzen duenez, proiektuan hainbat aldaketa egin beharko dituzte, ingurumenean izango duen eragina murrizteko. Hilabeteko epea dago errekurtsoa jartzeko.
aurre egingo dieten hedabide independenteak
Aixeindarren proiektuaren arabera, zortzi haize errota jarri nahi dituzte Azazetan, 40 Megawatteko energia ekoizteko. Udal hauei eragiten die proiektuak: Bernedo, Arraia-Maeztu, Alegría-Dulantzi, Iruraiz-Gauna eta Donemiliaga.
Arabako Industria Administrazioko lurralde-ordezkaria den Pedro Rodríguez Díazek sinatua da administrazio-baimena, apirilaren 12an eta maiatzaren 2an argitaratu da. Baimen honetan proiektuak ingurumenean izango duen eragina murrizteko 16 esparru izendatzen dira.
Hartu beharreko neurrien artean daude, besteak beste: hiru errota lekualdatzea. Kokapen berrietan honako azterketak egin beharko dituzte proiektua exekutatu aurretik: azterketa botanikoa, hegazti-faunarena, zaratarena... Beste neurri bat da Azazeta Gainaren eta Donemiliagako Azpiestazioaren arteko tartean erdi-tentsioko linea lurperatzea.
Fauna babesteko, haize erroten geldialdi hauek jarri ditu baldintza moduan Jaurlaritzaren baimenak: maiatzaren 1etik urriaren 31ra, ilunabarra baino 30 minutu lehenagotik ilunabarra baino lau ordu geroagora arte, aldi berean 15 ºC-tik gorako tenperatura-kondizioak eta 7 m/s-tik beherako haize-abiadurak daudenean. Eta proiektuan elektrokuzioaren eta talkaren aurkako prebentzio-neurriak txertatu beharko ditu Aixeindarrek.
Goi-tentsioko lineaherriguneetatik 200 m-tik gorako distantziara mugitu beharko da, eta etxebizitza isolatuetatik 100 m-ra. "Hori ez bada bideragarria, bermatu beharko da fluxu-dentsitatea edo indukzio magnetikoa 100 µT-tik beherakoa dela" zehazten du Jaurlaritzaren baimenak.
Proiektua abiarazteko gehienezko epea bi urtekoa da. Jaurlaritzak esana du 2025erako martxan egotea espero duela.
Orain arte alegazioak aurkeztu dituzten taldeak
2021eko apirilean argitaratu ziren oinarrizko proiektua eta ingurumen-inpaktuaren azterketa. Honen berri izan ostean, honako hauek aurkeztu zituzten alegazioak: Equo Berdeak, SEO Birdlife, Saguzarrak Zaintzeko eta Aztertzeko Elkartea (SECEMU), Ekologistak Martxan Araba, Gaden Elkartea, Arabako Natur Institutua (IAN-ANI), Mendiak Aske, Lautada Landa Garapenerako Elkartea, Lasierrako, Durrumako (Donemiliaga), Trokonizko, Korresko, Eginoko eta Añuako Administrazio Batzarrak eta Zalduondoko Udala; halaber, 3.236 alegazio partikular jaso ziren.
Maiatzaren 20an Gasteizen "Lurraren defentsan Euskal Herria Bizirik" manifestazioa deitua dute, besteak beste, Azazetako zentral eolikoaren aurka ari diren taldeek.
Herri plataformak adierazi du 'Mendi' zentral eolikoak Orozkon (Bizkaia) ere lurrak hartzen dituela eta plan bereziko onarpenerako aurretiko izapidea abiatzea agindu duela Arabako Foru Aldundiak.
Bizkaian, Artzentales eta Sopuerta artean Euskal Haizie enpresak eraiki asmo zuen zortzi aerosorgailuko zentral eolikoaren proiektua atzera bota du Eusko Jaurlaritzako Industria Sailak, faunan, landaredian eta ondarean eragingo lituzkeen kalteengatik. Enkarterriko herritarrak... [+]
Maiatzaren 16tik 18ra izango da kanpaldia, AHTk eta berriztagarrien proiektu batek "mehatxaturiko" Arabako Uribarri Jauregi herrian. "Desjabetu nahi dituzten eremuetan erresistentzia antolatzeko dugun gaitasuna erakutsi eta kaleak betetzetik mendiak hartzera pasako... [+]
Natura Ondarearen Zerbitzuak txosten bat aurkeztu du Barakaldoko mendi horretan bost haize errota jarri nahi dituen Iparaixe II proiektuaren aurka. Barakaldoko Udalak duela urte eta erdi eman zion ezezkoa egitasmoari, Mendietan Eolikorik Ez–Barakaldo plataformaren... [+]
Elkarretaratzea egin zuen Aiaraldeko Mendiak Bizirik plataformak atzo Laudioko Lamuza plazan, Mugagabe Trail Lasterketaren testuinguruan.
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
“Urumeako mendiak bizirik” herri-ekimenak jende andana elkartu du Hernaniko plazan. Mendi horietan egin nahi dituzten bi makroproiektu eolikoen berri eman du, ekarriko lituzketen kalteak azaldu ditu eta Urumea bailarako eta inguruetako herritar guztiei dei egin diete... [+]
Espainiako Gobernuko Trantsizio Ekologikorako eta Erronka Demokratikorako Ministerioak atzera bota du Statkraf multinazionalak Araba eta Gipuzkoa artean eraiki nahi zuen Itsaraz parke eolikoa.
Ezkeltzun eraikitzekoa zuten parke eolikoaren egitasmoa, momentuz ez dute gauzatuko. 2022ko otsailean jakin zen Ezkeltzun parke eolikoa eraikitzeko zegoen asmoa. Hortik aurrera, ibilbide bat egin du gaiak, baina badirudi, momentuz, proiektuak ez duela aurrera egingo. Hala... [+]
Araba mendebaldeko Gaubeako proiektu eolikoak eskualdeko energia berriztagarrien potentziala areagotzea helburu duela adierazi du Mendia Wind enpresak. Gasteiz eta Arratzua-Ubarrundia udalerrietan hiru parke fotovoltaiko egiteko proiektua aurkeztu du, bere aldetik, San Miguel... [+]
Erramun Galparsoro eta Joxe Manuel Muñoz aranoarrak dira. 22 eta 30 urte daramatzate, hurrenez hurren, 440 metroko garaieratik itsasoari begira dagoen eta 114 biztanle dituen Nafarroako herri txiki hartan bizitzen. Inguruetan Repsolek eraiki nahi duen zentral eoliko... [+]
Arano eta Hernani inguruetan Repsol eta Endesa enpresek eraiki nahi dituzten makro-zentral eolikoen aurkako txosten kritiko mardula egin du Mikel Alvarez ekintzaile ekologista donostiarrak. Bere esanetan, "Euskal Herrian planteatzen den era horretako azpiegitura... [+]
"Sare elektrikoak eta lurraldea: sistema energetikoa eztabaidagai" hitzaldia emango du Euskal Herriko Unibertsitateko ikertzaile eta irakasleak. Herribizigune eta Ezkeltzu Bizirik taldeek elkarrekin antolatu dute hitzaldia.
Aixeindar SA enpresak "Laminoria" izeneko zentral eolikoa eta fotovoltaikoa eraiki nahi du Arraia-Maeztu, Iruraiz-Gauna eta Donemiliagako lurretan. Proiektu horrek Eusko Jaurlaritzaren ingurumen baimena jasoko ote duen ikusteko dago. ARGIAren eskuetara iritsi da... [+]