Autodefentsa feministaz hausnartzeko hamar bide
Azaroaren 25a dugu, indarkeria matxistaren aurka karrikara ateratzeko eguna. Hitzorduak jarri ditu Euskal Herriko mugimendu feministak, Beldurra eta kontrolaren aurrean, justizia feminista! lelo pean –19:00etan Bilbon, Donostian eta Gasteizen, 20:00etan Iruñean eta biharamunean 17:00etan Baionan–. Itaia-k ere eginen ditu hainbat herritan elkarretaratzeak.
Zapalkuntza horiek egunero borrokatzen direlako, hemen dituzue ARGIAk plazaraturiko hamar elkarrizketa zein erreportaje proposamen, patxadaz irakurtzekoak, gaur ez bada bihar ala etzidamu. Autodefentsa feministatik ematen diren erantzunetan zentratu gara.
Bortizkeriarik gabeko bizitzak lortzeko bidean, justizia feminista eta autodefentsa feminista beharrezkotzat jotzen ditu Euskal Herriko mugimendu feministak. Bide horiei begira jarri da Jenofa Berhokoirigoin Bortizkeriarik gabeko bizitzak feminismotik eraikitzeko proposamena erreportajean:
Emagin elkarteak plazaratu berri du protokolo propio bat talde barneko eraso matxistak kudeatzeko, eraldaketa eta minaren erreparazioa ardatz dituena. Eraso matxisten aurrean, ardura hartze kolektiboa erreportajean eman ditu protokoloari buruzko xehetasunak Leire Artolak:
Eraso matxisten kudeaketari buruzko hausnarketak begirada anarkistatik zabaltzen dituen ¿Y que hacemos con los violadores? (Eta bortxatzaileekin zer egingo dugu?) liburua oinarri harturik, gaiaz edota erronkaz solastatu da Amaia Lekunberri liburuaren atzealdean diren hiru lagunekin:
Elsa Dorlin ere dugu autodefentsa feministaz eta orohar indarkeriaren erabilpenaz hausnartzen duen aditu eta aritu interesgarria. Jenofa Berhokoirigoinek elkarrizketatu du, bere Se défendre, une philosophie de la violence (defendatzea, bortizkeriaren filosofia bat) liburua esku artean harturik –geroztik Txalaparta-k gaztelera itzulitakoa, Autodefensa. Una filosofia de la violencia izenpean–.
Gorputza dugu erasotua, baina gorputzetik ematen zaio erantzuna ere erasotzaileari ala minari. Bide bat izan daiteke tatuajearena. Istorio pertsonal gogorren lekuko da Bartzelonako Desideratum tatuaje estudioa. Altruismoa eta enpatia batzen dira bertan, egoera traumatikoak gainditzeko bidean doako tatuajeak eskaintzen dizkiete indarkeria matxista jasan duten emakumeei edota minbizia izan dutenei. Noemi Garcia tatuajetzailea elkarrizketatu du Leire Regadasek:
Iruñeko mugimendu feministaren borrokari begira jarri eta jaietan bideratu erasoei ematen zaien erantzunari begira jarri da Amaia Lekunberri Jaiak plazeretik borrokatuz erreportajean:
COVID-19ak beharturiko etxeratze aginduak etxe barneko infernua areagotu zion emakume erasoa jaso duten askori, etxea ez delako sistematikoki goxotasun edota babesaren sinonimo. Bikotearen partetik indarkeria pairatzen duten emakumeei buruz aritu da Saioa Baleztena Carla Vall abokatu feministarekin:
Lantokia ere izan ohi da eraso heterosexista gune eta horretaz hausnartu du Estitxu Eizagirrek Lantoki erasoen aurrean zer? idatzian:
Ikastetxeetan ikuspegi feministatik landu beharreko gaia da erasoena. Besteak beste, bikote harremanetan bideraturikoak identifikatzen eta lantzen ari dira batzuk Indarkeriaren Eskailera tresnarekin, besteak beste. Horren berri eman digu Mikel Garciak Bikote harreman toxikoak azaleratzen dituen eskailera erreportajean:
Itzaletik ala aktualitatean kokatuz, esparru pribatuan zein plazaren erdian, eraso patriarkatu eta sexisten kontrako erantzunak ematen ari dira munduan barrena. Horietariko bat dugu azken asteetan Iranen areagotu den askapen mugimendua. Maryam Fathi Kjar Ekialdeko Kurdistango Emakume Askeen Elkarteko Europako arduraduna elkarrizketatu du Amaia Lekunberrik:
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Bingen Zupiria Eusko Jaurlaritzako Segurtasun sailburuak adierazi du: “Ertzaintzako barne arautegiak hutsegite larritzat eta botatzeko arrazoi posibletzat ditu horrelakoak”. Gainera, Gipuzkoako Fiskaltzak eskatu dio instrukzioko epaitegiari auzia genero indarkeria... [+]