EHZ festibalak egitarau osoa jakinarazi du, baita laguntzaile gisa joan nahi dutenei dei egin ere
Hogeitik gora musika taldek joko dute Irisarrin ekainaren 28tik 30era ospatuko den festibalean. Eskaintza kulturalaz gain ildoka antolaturiko tailer eta formakuntzak izango dira berritasuna. Sarrerak salgai daude internet bidez 45€an.
EHZ festibalak aurtengo edizioko egitarau osoa argitaratu berri du. Duela hilabete batzuk aurreratu zuten bezala, Baxe Nafarroako Irisarrin ospatuko dute 23. edizioa izango duen festibala. Urtero moduan, eskaintza musikal zabala eskainiko du.
Euskal Herriko musika taldeen aldeko apostua egin du EHZk, eta Irisarriko eskenatokian izango dira, besteak beste Iseo & Dodosound, Niña Coyote eta Chico Tornado, Willis Drummond edota Gari & Maldanbehera. Horiez gain Oihan Oliarj-ines zuberotarraren Oihaneko Zühainetan eta Ray Fernandez kubatarraren kontzertuak izanen dira "ikusmin gehien piztuko dutenak", antolakuntzaren hitzetan.
Musika berriak ezagutzeko aukera ere izango da festibalean. Bertan aurkeztuko dituzte euren azken lanak Pelax, Rodeo, Alba, Ibil Bedi eta Diavolo Kiwi taldeek. Anari, Izaki Gardenak, Koban, Liher... eta beste hainbat taldek osatuko dute kartel osoa.
Musika bakarrik ez
Dena ez da musika izango, ordea. Led Silhoutte dantza taldeak Gaizka Sarasola musikariak zuzenean konposaturiko musikarekin festibalerako bereziki sorturiko Orbita ikusgarria estreinatuko du. Horrez gain bertso-poteoa, zirkoa, dantzak, erakusketak, antzerkiak... denetarako astia izango da asteburuan.
EHZ eraberrituaren beste ardatzetako bat izango dira festibalean zehar eskainiko diren tailer eta hitzaldiak. Bost ildo aukeratu dituzte aurtengo ediziorako, ildoetako bakoitzak tailer, mahai inguru eta solasaldiez osaturiko jarraipen logiko bat edukiko duelarik. Horretarako, antolakuntzak adierazi duenez, beharrezkoa izango da aurrez ildoetako batean izena ematea.
Herrira saltoa
Lekorneko landetatik herrira egingo du salto aurtengo festibalak, Irisarriko kaleak musika, ikuskizun eta hausnarketaz betez. Bertan kokatuko da, baita ere, txikienentzako Haurren Xokoa. Kontzertu nagusiak, aldiz, hurbil kokaturiko beste eremu batean egingo dira.
Festibaleko antolatzaileek aurreratu dutenez ekainaren 3ra arte egongo dira salgai 3 egunetako bonoak 45€tan. Data horretatik aurrera bonoak 55€tara igoko dira, eta eskuragai egongo dira eguneko sarrerak ere.
Azkenik, "galtzagorri laguntzaile" izateko deia zabaldu dute, urtero bezala laguntzaile boluntarioekin auzolanean ateratzen baita EHZ aurrera. 500 lagunen beharra dute aurtengo ediziorako, eta internet bidez eman daiteke izena ehz.eus atarian.
Albiste hau Topatuk argitaratu du eta CC-by-sa lizentzia libreei esker ekarri dugu ARGIAra
Ituren (Nafarroa), 1777. Erramun Joakin Sunbil (1755-1821) arotza Donamariako Joana Mari Ezpondarekin ezkondu zen. Ia 40 urte eman zituzten ezkonduta, Joana Mari 1806an hil zen arte. Eta tarte luze horretan, noizbait, Iturengo arotzak santu baten kobrezko estatua urtu omen zuen... [+]
Hasieratik argi utzi nahiko nuke ez naizela inolaz ere feminismoan, sexu- eta genero-teorietan ezta LGTBIQ+ komunitatearekin lotutako gaietan aditua. Gizon txuri heterosexual bat naiz, ezkertiarra esan dezagun, bere burua feministatzat hartzen duena (edo feministen aliatua,... [+]
Musika-eszena antikomertzialean alea jartzeko asmoz sortu dute Aurka kolektiboa. Martin eta Katalin kideekin hitz egin dugu arlo horretako kolektiboen loraldiaz, musika politizatuaz eta musikaren potentzialitateez, industria musikalaz, makrojaialdiez eta beste.
Eusko Jaurlaritzak eta Bizkaiko Foru Aldundiak bultzatuta eta Agirre Lehendakaria Center erakundearen eta New Yorkeko Columbiako Unibertsitatearen gidaritzapean egindako entzuketa prozesuaren emaitzak aurkeztu dituzte uztailaren 23 honetan. Museoa eraikitzearekin sustatuko... [+]
Aurrean duzunak min ematen badizu, ez begiratu aurrera. Muturren aurrean duguna saihesteko logikoa dirudi, ezta? Zer ikusiko ote du gutako bakoitzak albo aldera so egiten duenean? Beharbada, miope batek betaurreko bila ikusten duen antzeko zerbait.
Miope bezain itsu,... [+]
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Antza denez, dualista naiz, izan nahi ez dudan arren. Esaldia bukle bat da: izan nahi ez dudan zerbait naiz, orduan: nor da esaldian ezkutuan dagoen nia, dualista izan nahi ez duena? Edo, alderantziz, dualista dena da, hain zuzen, ni hori (izan nahi ez badu ere)? Nahaspila... [+]
Azken urteotan egin dudan bezala, Musika Hamabostaldiak 86. ediziorako prestatu duen egitarau ederra ikusita, nire iradokizun eta gomendio bereziak egiten dizkizuet.
Egia esan, eta ia beti gertatzen den bezala, oso zaila da kontzertu batzuk nabarmentzea, horiek guztiak... [+]
Carmilla
J. T. Sheridan Le Fanu
Itzulpena: maialen berasategi
Erein, 2025
------------------------------------------------------------------------
Literatura unibertsala bilduman argitaratu berri dute J. T. Sheridan Le Fanu irlandarraren 1872ko Carmilla. Maialen... [+]
2024an sortu zuten Kontalaritza Eskolari buruz hitz egiteko elkartu gara Ane Gebara, Ane Arrugaeta eta Itziar Rekalde ipuin kontalariekin. Kontalaritzaren izaera artistikoaz, bat-batekotasunaz, formakuntzaz, emanaldiez eta abarrez mintzatu dira. Besteak beste, eskolak eman dien... [+]
Bizi-biziak dira oraindik musikan dabiltzan emakume eta genero disidenteen azalean bizi izandako indarkeriaren orbainak. Ugaritu dira, halaber, orbain horiei buruzko ahotsak komunikabideetan, ikerketetan zein hainbat ekimenetan. “Asko dago egiteko oraindik”, diote... [+]
Xenpelar Dokumentazio Zentroak dokumentazio bilketan sakontzeko aurrerapausoak eman ditu: Bertsozale Elkarteko egitasmoen bilketa prozesuak berrikusi dira eta tokian tokiko eragileekin harremanetan jarrita, eremu horretako jarduna aztertu eta hobekuntzak bideratu... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Berritu ala hil. Hori esaten diogu geure buruari. Ariketetatik ariketa gabeko alera, narraziotik gertuago, metaforarik gabe, zuzenago. Orain? Orain gehiago behar dugu. Narrazioago, ezmetaforatuago, ariketagabeago.
Pertsonaia bat sortuko dugu. Pertsona bat. Istorio batean... [+]