Nafarroako Erro, Esteribar, Anue eta Olaibarren jarri nahi dituen parke eolikoen ingurumen eraginaren kontrako ebazpena eman du foru gobernuko Industriaren, Energiaren eta S4 Proiektu Estrategikoen zuzendaritza nagusiak.
Udalerri horiei ez ezik, Ezkabarte, Txulapain, Berriobeiti eta Orkoien udalerriei ere eragiten die ebazpenak. Hauek dira kontrako adierazpena egiteko arrazoiak, 120. Foru Aldizkariak dioenaren arabera: "Inguruak ingurumen aldetik duen sentikortasun handia, fauna hegalari mehatxatuaren presentzia, instalazioaren kontra talka egiteko arrisku handia, hesi efektua, mendebaldeko paleartikoko hegaztien Atlantikoko migrazio ibilbide garrantzitsuenetako batean eta Pirinioen eta Kantauriar mendikatearen arteko komunikazio korridorean izanen duten eragina, inguruko Kontserbazio Bereziko Eremu batzuen kontserbazioaren oinarri diren funtsezko elementuetako batzuetan eta Natura 2000 Sareko espazioen koherentzia ekologikoan eta konektagarritasunean izan dezaketen eragina, eta paisaian izanen duten inpaktua".
Kontrara, Biodibertsitatearen Zerbitzuko zuzendariak ingurumen ukipenerako baimena eman dio Corellan jarri nahi den IFV Naval poligono fotovoltaikoa eraikitzeko proiektuari. 998 kilowatte potentzia du eta Chilos Solar 2 SL da haren sustatzailea.
Foru aldizkari berean irakur dezakegunez, Industriaren, Energiaren eta S4 Proiektu Estrategikoen zuzendari nagusiak eraikitzeko administrazio baimena eman dio energia elektrikoa ekoizteko “Orkoien” parke eolikoa jartzeko Oltza Zendea eta Orkoienen.
Nafarroan hainbat parke eolikoren aurka egin duten herri mugimenduek poza agertu dute Navarra 1 eta Navarra 2 atzera bota dituztelako:
?Mila esker Esteribar, Erro, Olaibar, Anueko mendien alde burrukatu duzuen guztioi! ???
?¡La movilización social da sus frutos! Erro, Olaibar, Esteribar, Anue LIBRES de MACROEÓLICOS!!!
Zorionak!@salvemoselperd @AndiaUrbasa @ATVEsteribar @sustraierak @AlienteOrg pic.twitter.com/oDEI9GVYgu
— Haize Berriak. Energia gure esku, Valles vivos (@HaizeEsku) June 17, 2022
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.
Euskal Herria Bizirik sareak antolatuta eta 84 eragilek deialdiarekin bat eginda, 2.200 pertsona manifestatu dira "Lurraren defentsan" Azpeitian, apirilaren 13an. Goizean bertaratu direnek lau tailer eta mahai-inguru baten bidez aztertu dituzte zein diren berdez... [+]
Lurraren defentsan mobilizazio eguna deitu du Euskal Herria Bizirik sareak apirilaren 13an Azpeitian, "lurraldeari eta landa-eremuari eraso egiten dioten makroproiektuekiko arbuio sozial zabala erakusteko". Deitzaileekin bildu gara.
Gutako batzuk hemen jaio ginen, zoriak erabaki zuen populazioaren %11 honen parte izango ginela. Beste batzuek erabaki genuen landatarrak izatea, eta lurraldearen %89an bizitzea. Denok onartu dugu hemen bizitzeak aparteko zailtasunak dituela, administraziotik ez dutela indar... [+]
Lurraren defentsan Euskal Herria Bizirik sareak manifestazioa deitu du apirilaren 13 arratsaldeko 18:00etan Azpeitian, "lurraldeari eta landa-eremuari erasotzen dioten makroproiektuekiko arbuio sozial zabala erakusteko". Goizean gaiari lotutako hainbat tailer eta... [+]