Atutxa familiaren Urdaibaiko txaletaren obretan irregulartasunak salatu dituzte
Atutxa familiak Mundakako hondartza aurrean duen txaletean udan hasitako harri-lubetaren eraikuntzak ez ditu legeak betetzen, Alberto Uriona kazetariak bere blogean jaso duenez. Irregulartasunen aurrean Mundakako udalean isiltasuna gailendu dela salatu dute ekologistek.
aurre egingo dieten hedabide independenteak
Urdaibaiko biosfera erreserbaren patronatuaren babespean egin dira lanak. Hiri eremutik kanpo egiten diren obra guztiek patronatu horren baimena behar dute.
Zain Dezagun Urdaibai taldearen salaketa
Txaletaren obrak direla-eta, Zain Dezagun Urdaibai talde ekologistak ingurumen legalitatea babesteko akzio publikoa aurkeztu zuen Mundakako Udalaren, Kosta Demarkazioaren eta Urdaibaiko erreserbako patronatuaren aurrean.
Udalak hilabete eta erdi geroago erantzun zion talde ekologistari. Alvaro Amann Hirigintza eta Ingurumen zinegotziaren hitzetan, obrak egiteko jabeek eskaturiko lizentziak zuzenak dira. Zinegotzi izan aurretik, Eusko Jaurlaritzako Garraio eta Herri Lan sailburua izan zen Amann, 1999 eta 2005 urteen artean.
Talde ekologistak salatu duenez ez du lizentzia hori ikusteko aukerarik izan, eta jabeek aurkeztutako proiektu teknikoaren edo udal arkitektoaren txosten teknikoa jasotzeko modurik ere ez dute izan. Adierazi du Toki erakundeen legearen aurka doala informazio hori ez argitaratzea. Legearen 63. artikuluaren arabera (50. orrialdean), "eskaera jaso eta hilabeteko epean, gehienez ere, jakinarazi beharko da ebazpena".
Obra egin ahal izateko hondeamakinak erabili zituzten. Hondartzatik sartu zituzten, Kosta Demarkazioak agintzen duenaren aurka. Obrak eremu publikoan sartzen dira, hiru metro ekologisten esanetan. Horrez gain, lanak inongo babes perimetrorik gabe egin ziren eta maiatzean langileetako batek istripu bat izan zuen. Hamabost metroko altueratik erori eta larri zauritu zen.
Bi familia bizi dira eraikin horretan. Lehena, Maria Isabel Elkuria enpresaria da, Talleres Wolko SL enpresaren jabeetako bat. Bigarrena, Iskander Atutxa arkitekto eta enpresaria. Iskander Atutxa Eusko Jaurlaritzako barne kontseilari ohi eta EAJko burukide historiko Juan Maria Atutxaren semea da. Hala ere, azken obra honen lizentzia eskaeran Elkuriaren izena soilik ageri da.
Atutxa familiaren aldeko tratu ekonomikoa
2015ean Juan Mari Atutxaren familiarekin erlazio zuzena duten hainbat enpresen aldeko tratua egon zela salatu du Euskadiko PPk. Dioenez enpresa horiek 68 milioi euroko balioa duten 200 kontratu publiko inguru lortu zituzten.
PPk emandako datuen arabera, Ekin eta Ekin Eraiketak enpresek 40 milioi euro inguru jaso zituen diru publikotik. Enpresa hauek 2012ra arte Juan Maria Atutxaren bi anaienak ziren eta ondoren ilobenak. Atutxaren hiru semeen jabetzakoa den Ingeplan Consulting enpresak hogei milioi euroko kontratu publikoak lortu zituen. Azkenik, Iskander Atutxaren Arkigest enpresak hiru milioi euro irabazi zituen Bizkaiko hainbat udali eskainitako zerbitzuei esker.
Egun EH Bilduren esku dagoen udalak ia milioi bat euro itzuli beharko lioke foru erakundeari, duela hamairu urte, EAJ agintean zenean, diru-laguntza bat ez zelako behar bezala erabili, baizik eta iruzurra egiteko, EAEko Justizia Auzitegi Nagusiak berretsi duenez. Eskaerak erabat... [+]
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Eibarko San Juanetara begira, Eibarko jai batzordeak udal-gobernuaren eta alkatetzaren aldetik jasotzen ari duen jarrera salatu du. JHH Jaixak Herrixak Herrixandakoak batzordeak luzatu proposamenak "arrazoirik gabe" errefusatu dituztela deitoratzeaz gain, Udalak... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Eragile nahiz alderdi politiko ugarik plazaratu dituzte euren aldarriak aurtengo Aberri Egunean. Azken urteetan egin bezala, Bilboko eta Iruñeko kaleak hartu dituzte EAJk eta EH Bilduk, hurrenez hurren. Bagira-k, Ipar Euskal Herriko Mugimendu Abertzaleak, abertzaleen... [+]
Kargua "ohore handiz, erantzukizunez eta apaltasunez" hartuko duela adierazi du Atano III.a pilotalekuan, 1.800 lagunen aurrean. Aberri Batzarrak Euskadi Buru Batzar berria osatuko duten zortzi kideak ere hautatu ditu.
PPrekin eta EH Bildurekin negoziazioetan porrot egin ondoren etorri da Ahal Dugurekin adostutako akordioa. Indar politiko honek aitortu duenez, maximalismoak atzean utzi eta errealitateari heldu diote, errenta baxueneko herritarren aldeko akordioa lortuta.
Plataformak "atzerapausotzat" hartu du Eusko Jaurlaritzako Etxebizitza eta Hiri agendako sailburu Denis Itxasok berriki iragarri izana lurzoru urbanizagarrietako etxe babestuen proportzioa %75etik %60ra jaistea. Pradales agintera iritsi zenetik alokairu soziala eskatzen... [+]
2025 amaitu baino lehen Gernikako Estatutuan jasotzen diren eskumen guztiak izatea espero du Jaurlaritzak. Oraindik 25 eskumen falta dira. Transferentzia Batzordea aurreko astean biltzekoa zen baina "agenda arazoak" zirela eta atzeratu zuten.
Joan den asteartean La Vanguardia-n argitaratutako artikuluan egin zuen proposamena Txema Montero abokatu bizkaitarrak. 30 urtez Deia egunkariko kolaboratzailea izan da eta lehenik hara bidali zuen bere artikulua, baina egunkariak ez zion argitaratu.
Trantsizio Energetikorako Ministerioak Donostiako Udalaren alegazioei baiezkoa eman ondoren, 1.750 etxebizitza eraiki ahal izango dituzte bertan. Udalak Urumea ibaitik hogei metrora ezarri du auzo berria eraikitzeko babes lerroa.
"Adostasun zabaleko gutxieneko programa amankomun bat" oinarrian izatea posible da, EH Bilduren esanetan. Zerrenda bateratuak osatzea lehenetsiko du Espainiako eta Europako hauteskundeetan, Frantziako Estatuko Fronte Herritar Berriaren tankera hartuta.
Aitor Esteban izango da EAJko EBBko hurrengo lehendakaria eta jeltzaleek salduko dute horrela, zuzendaritza berrituta, buruzagitza berria prest dagoela alderdiaren berrikuntza prozesuarekin jarraitzeko.
EAJren barne prozesuan ez du bere burua aurkeztuko, nahiz eta garaile irten den orain arteko bozketetan. Itxura guztien arabera, Aitor Esteban izango da EBBko buruzagi berria.