Asturiasko zonalde batean galiziera hitz egiten da. Hango parlamentari bat galizieraz, bere hizkuntzan, ari zela VOXeko kide baten kexagatik mintzaldia gazteleraz egitera behartu dute.
Álvaro Queipo, PPko parlamentaria Asturiasko Legebiltzarrean, bere mintzaldia egiten ari zen, Asturiasko eremu batzuetan erabiltzen den galiziera hizkuntzan. Hizketan ari zela, Ignacio Blanco VOXeko parlamentaria altxatu da eta “ez zuela ezer ulertzen” adierazi du. Momentu horretan, parlamentuko presidente Marcelino Marcosek (PSOE) “denek ulertzeko moduko hizkuntzan” hitz egitera behartu du.
Sermos Galiza hedabideak jakinarazi du eztabaidak jarraitu duela. Unidas Podemoseko, IUko eta PSOEko parlamentariek babesa erakutsi diote alderdi popularreko kideari. Asturiasen 40.000 lagun inguru dira hizkuntza hori hitz egiten dutenak, eta hainbat eskualdetan hedatua dago.
Hona hizkuntza aldatzera behartu duten unea:
Begira ze harropuzkeriaz moztu duten legebiltzarrean diputatu hau Asturiasko parte batean hitz egiten duten galizieraz mintzatzeagatik. Espainiar supremazistena jasangaitza da.
— Lander Arbelaitz (@larbelaitz) November 28, 2019
Bideoa: @ivanllera pic.twitter.com/O7QwUWMD7T
Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]
Carolina Gandulfo doktorea. Argentinan jaioa, Ipar-ekialdeko Unibertsitate Nazionaleko Humanitate Fakultateko irakaslea. Iragan udazkenean Garabidek gonbidaturik egonaldia egin zuen gure artean, eta mintzatu zitzaigun Argentinako guaranieraz. Ikastetxe bateko esperientzia... [+]
Netflix, Amazon Prime eta Disney+en, Hizkuntza Gutxituen Europako Gutunak onartzen dituen bost hizkuntza baino ez dituzte erabiltzen. Bosten artean nagusi da, alde handiz, katalana. Ondoren datoz galiziera, euskara, luxenburgera eta Eskoziako gaelikoa. EHUko Nor Ikerketa Taldeak... [+]