Astelehenetik aurrera eskola-garraioa dute Araba eta Bizkaiko ikasleek ere
Hezkuntza Sailak eta garraio-enpresek elkarrizketari ekitea adostu dute, zerbitzuaren baldintzak zehazteko. Bien bitartean, enpresek iazko ibilbide berak egingo dituzte, aurreko urteko baldintza ekonomiko berberetan.
Astelehenetik aurrera berriro eskola-garraio zerbitzua dute Araba eta Bizkaiko ikasleek ere. Hezkuntza Sailak eta garraio-enpresek elkarrizketari berriro ekitea adostu dute, eta enpresek iazko ibilbide berak aurreko urteko baldintza ekonomikoetan emango dituzte, gaur-gaurkoz.
Elkarrizketan eskola-garraioaren baldintzak zehaztuko dituzte, zuzenketa neurriak adosteko. Era berean, Hezkuntza Sailak bete gabe geratu diren ibilbideen lizitazio-prozesua abiatuko du laster, 2024-2025 ikasturtera begira.
Ikasturte hasieran ez dute garraio-zerbitzurik jaso Araba eta Bizkaiko 7.000 ikaslek. Urte hasieran Eusko Jaurlaritzak egindako lehiaketan ibilbide asko lizitatu gabe geratu ziren: Araban ibilbideen %5 lizitatu ziren, Bizkaian bat ere ez eta Gipuzkoan %98. Hala, Hezkuntza Sailak iazko ibilbideak egitera behartu nahi izan zituen enpresak, baina haiek planto egin zuten.
Zerbitzua eskatzeko, zenbait herritan mobilizazioak egin dituzte aurreko astean, esaterako Gasteizen, Aiaraldean eta Añanan.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Hasiera batean alderdiak garestitu egin nahi zituen Barik txartel anonimo eta aldi baterako abonuak, baina azkenean atzera egin du. Beherapena berriz otsailaren bigarren erdialdean indarrean sartuko dela aurreikusten du.