Astelehenean estreinatuko da Arantza Santestebanen ‘918 gau’ DOC Lisboa nazioarteko dokumental jaialdian
Batasunako arduradunen aurkako Segurako sarekadan atxilotu zuen Poliziak Santesteban, 2007an, eta 918 egun eman zituen preso. Espetxearen eguneroko bizitza islatu nahi du Santestebanek bere lanean.
Urriaren 21ean abiatu zen DOC Lisboa nazioarteko dokumental jaialdia, eta hilaren 31n emango diote itxiera. Santestebanen dokumentala nazioarteko sekzioko sail ofizialean lehiatuko da, hamabi herrialdetako beste hamahiru lanekin batera. Asteleheneko 22:00etan estreinatuko dute, eta asteartean bigarren emanaldi bat izango da, 15:30etan.
Espetxearen egunerokotasuna
Santestebanek ia hiru urte eman zituen preso, 2007an Segurako sarekadan atxilotua izan eta gero. Esperientzia horretatik abiatuta, espetxearen eguneroko bizitzan zentratu du egileak bere begirada 918 gau dokumentalean. Hitz hauekin azaldu zuen bere lana, Tabakalerarako idatzitako sinopsian: “Kartzelari buruzko askotariko narratiba zinematografikoak daude; hala ere, nire ustez, beti falta dute zerbait. Irudi hauek islatzen dutena ez dira kartzelako eguneroko baldintzak, baizik eta kartzelari buruz dugun imajinario sozialak erabiltzen dituen formak (...) denboraren joana, kanpoko munduarekiko isolamendua, itxita egotearen ondorio fisiko eta psikologikoak, menderatze-espazio opakuak... Film honek gai horiek jorratzen ditu”.
Bidasoa 2018-2023 dokumentalaren proiekzioa
Non: Martuteneko espetxean, Donostian
Noiz: Abenduaren 22an, ostirala, 16:00etan
Sarean ikusgai: Primeran plataforman
------------------------------------------------
Gabonak dira. Ostiral bazkalostea. Martuteneko... [+]
FIPADOC Nazioarteko dokumental jaialdia berriz heldu da Miarritzera. Urtarrilaren 19tik 27ra ospatuko dute, eta seigarren edizio honetan «Italia eta Afrika» izanen dira protagonistak.
En el nombre de ellas dokumentalean agertzen diren biktimek eta ekoiztetxeak eskerrak eman dizkie plataformari "ausardiagatik" eta beren historia kontatzeagatik. Disney+ 2022ko azaroan zen dokumentala estreinatzekoa, baina atzera egin zuen.
Hilabete gutxiko tartean hil zitzaien ama Irati Gorostidiri (Eguesibar, 1988) eta Mirari Echavarriri (Iruñea, 1988), biak 1978an Lizason egonkortutako Arco Iris komunitate tantrikotik igarotakoak. Lehendik ere esperientzia hari buruzko interesa bazuten, dolu prozesuan... [+]