Hendaiako erretentzio zentroan sartzera dei egin du Bizi!-k gaur goizerako

  • Astearte honetan, apirilaren 3an, goizeko 9:00etan, Frantses eta Espainiar Estatuen arteko mugatik bi urratsetan, 30 bolondres, José Bové barne, aurkeztuko dira Hendaiako erretentzio administratiboko zentroaren ateen aitzinerat, bertan migratzaileentzat diren tokien hartzeko.

"Haiek, gu dira" kanpaina barruan ekintza berria iragarri du Bizi mugimenduak astearterako.

2018ko apirilaren 02an - 17:19

30 toki dituen erretentzio zentro horrek apirilaren 3an behar du ideki, eta migratzaileek behar lukete segidan bertara eramanak izaiten hasi. Apirilaren 3 honetan ere hasiko da Gérard Collomb-en “Geriza eta Immigrazioa” lege proiektuari buruz eztabaida parlamentuko batzordean. Testu horrek aurreikusten du erretentzio denbora 45 egunetik 90 edo 135 egunetara luzatzea.

30 “Haiek, gu dira!” horiek saiatuko dira erretentzio administratibo zentroan sartzera, bertan migratzaileen ordez egoiteko. Jendetasun, harrera, partekatze eta elkartasun baloreei atxikiak diren pertsona guziak deitzen dituzte beren segitzerat, astearte honetan, apirilaren 3an, 9:00etan, Erretentzio zentrorat, 1, Joliot Curie karrikan, poilizia-etxe ondoan, eta Hendaiako tren geltokitik hurbil.

“Behar dugu ahal bezain kopuru handian mobilizatu, hobengabeentzat diren zinezko presondegi horien errefusatzeko, eta Collomb lege proiektuak aurre ikusten duen erretentzio iraupenaren bikoizte edo hirukoizteari ez errateko! Harrera eta elkartasuna oinarritzat dituzten politikak nahi ditugu eta ez berekoikeria et presondegiratzea” adierazi du Jon Palais, ekintza horren jatorrian den Bizi! Euskal mugimendu altermundialistako Koordinaketako kideak.

Bizi!ko kide den Florence Warembourg-entzat, “Erretentzio zentro horretan sartu nahi dituzten migratzaileak ez dira gu baino hobendunagoak. Bertan atxilotuak dira, bizia ezinezkoa bilakatu den munduko parte batean sortzeagatik, gerlatik edo miseriatik ihesi egiteagatik. Zein erretentzio zentrotan atxilotuko gaituzte bihar, aldaketa klimatikoak sortutako ozeanoen igotzeagatik bizia ezinezkoa bilakatuko balitz euskal kostan? Migratzaileek babesaren eskubidea dute eta ez presondegiratzearena!”.


Kanal honetatik interesatuko zaizu: Migrazioa
Migratzaileei sarrera gogortzeko ituna onartu du Europako Parlamentuak

Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]


Pertsona migratuentzako ekintzailetza kooperatiboa, bizi-proiektuak hobetzeko tresna bat

Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]


2024-04-10 | ARGIA
Migratzaileei laguntzeagatik gutxienez 117 pertsona auzitara eraman dituzte Europan 2023an

Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.


Polizia operazio "arrazista" Donostian: 29 lagun eraman ditu Poliziak identifikatzeko

Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]


Eguneraketa berriak daude