ASBko nesken taldea Elite mailatik erretiratu du zuzendaritzak

  • Pasa den azaroaren 7an, Frantziako Kopako partida ez jokatzea erabaki zuten AS Baionako emakumeen errugbi taldeko jokalariek, Elite 1 mailako gainerako taldeekin alderatuta baliabide gutxi dutela eta taldeko arduradunek euren eskaerak aintzat hartzen ez dituztela azalera ateratzeko. Hamar egunera, eskaerei erantzun beharrean, taldea txapelketatik erretiratzea erabaki du klubeko zuzendaritzak.


2021eko azaroaren 18an - 10:57
Azken eguneraketa: 12:25
Provale sindikatuak babes azaldu die jokalariei.

ASBren zuzendaritza batzordeko hemeretzi kidek bozkatu dute asteazkenean taldearen sasoia amaitzearen alde. Hemezortzik bozkatu zuten kontra, eta batek zuri, Berriako kazetari Edu Lartzangurenek dioenez.

"Ez da zigorra, nahiz eta klubeko kideek gaizki hartu", adierazi du Gilles Peynoche klubeko presidenteak France Bleu irratian. Halaber, hausnartzeko eskatu die bai Frantziako Errugbi Federazioari baita Baionako Udalari ere: "Elitean egoteko, piramide bat behar da. Piramidea formakuntza da, hezkuntza da".

Hain justu, ASB taldeko zuzendaritza Udaleko eta Federazioko ordezkariekin biltzekoa da, azaroaren 23an, France Bleu irratiak jakinarazi duenez, taldearen eta oro har emakumezkoen errugbiaren orainaz eta geroaz hitz egiteko, klubaren finantzaketaz tartean. Izan ere, klubaren aurrekontuaren (300.000 euro) %20 baino gehiago (66.000 euro) Udalak jartzen du, emakumeen kirola bultzatzera bideratua hein handi batean. Bestalde, Frantziako Federazioak urgentziazko bilera egingo du ostegun iluntzean.

Bere aldetik, Provale errugbi jokalarien sindikatuak ASBko zuzendaritzaren erabakia "tamalgarria" dela adierazi du, eta jokalariekin harremanetan dagoela, arazoari konponbidea topatze aldera.


Kanal honetatik interesatuko zaizu: Errugbia
Aviron Bayonnais errugbi taldeko presidentea
"Beti erran didatenez, Euskal Herrian emazteak sukaldean gelditzen dira"

Kazetarien aitzinean izanik ere, lasai asko aritu dira irakurketa matxistak zabaltzen Aviron Bayonnais Campus formakuntza gunearen inaugurazioan. Jean-Jacques Lasserre politikari ezagunak ere egin ditu gisa horretako adierazpenak:  "[Errugbilarien zapaten] kranpoiak... [+]


Saioa Jaurena
"Bortxaz jokatzeak batu egiten gaitu errugbilariok"

Ekuazioak nola, hala askatzen ditu meleak Saioa Jaurenak (Elizondo, 1989). Kalkulagailua eta baloi obalatua ditu lanabes, matematika irakaslea eta errugbilaria den heinean. Bi alorrak halabeharrez uztartu behar ditu: errugbian ez du sosik ere jasotzen, Frantziako maila nagusian... [+]


2021-11-09 | ARGIA
"Hainbat gauza eskatu ditugunean, printzesa apetatsuen moduan tratatu gaituzte"

"Urteak eman ditugu prestatzaile fisiko bat eta muskuluak lantzeko pisu egokiak lituzkeen gimnasioa eskatzen. Aurten lortu ditugu, baina beranduegi da. Jende gehiegik egin du ospa taldetik. Gainerako taldeekin alderatuta, baliabide gutxi dugu. Horrelakoak eskatu ditugunean,... [+]


2020-02-12 | ARGIA
Baionako funtzionarioaren ustelkeria kasua: Gidabaimeneko puntuak, oparien truke

Bertako 47 pertsona ezaguni egin zizkion "mesedeak", tartean dira kirol munduko pertsonak eta enpresariak, Naizek eman duen albistearen arabera. Otsailaren 11n deklaratu du Paueko auzitegian. Urtarrilaren 24az geroztik behin behineko atxiloaldian da.


Baionako suprefeturatik bideraturiko ustelkeria argira atera da

Hasiera batean barne mailan eramanik inkesta, Baionako auzi poliziak hartu du segida eta argi geratu da: Baionako suprefeturako langile batek gidabaimena faltsuak banatzen zituen, opari batzuen kontra. Besteak beste, errugbi partidetarako txartelen kontra. Nahiz eta hori... [+]


Eguneraketa berriak daude