Artur Mas, Convergència berrituaren lema hartzeko prest

  • Kataluniako presidente ohiak asteazkenean aurkeztu zuen bere zuzendaritza proposamena. Asteburuan egingo dute birfundazio prozesuko lehen kongresua.


2016ko uztailaren 08an - 12:06
Convergènciako militanteek asteburu honetan hautatuko dute alderdi berrituaren organigrama eredua. (Argazkia: Info Libre)

Birfundazio prozesuan urratsak eman ahala, historiara igarotzetik gertuago dago orain arteko Convergència Democrática de Catalunya. Alabaina, CDC berrituak ez du hasiera batean zirudien adinako itxura aldaketarik izango, Arturo Puente kazetariaren arabera.

Artur Mas alderdiko presidenteak asteazkenean aurkeztu zuen bere zuzendaritza proposamena, asteburuko kongresuari begira. Bi laguneko buruzagitzaren ideia plazaratu du; presidentea eta presidenteordeak beteko lituzkete postu horiek.

Proposamenaren arabera, Masek jarraituko luke presidentetzan. Diotenez, Neus Munté Generalitateko presidentetza kontseilaria eta gobernuaren eleduna izan daiteke presidenteordea. Hala, idazkari orokorraren figura ezabatuko litzateke. Zuzendaritzaren organigrama eredua asteburuan hautatuko dute militanteek; zuzendaritza nortzuk osatuko duten, uztailaren 23 eta 24ean.

Lehia baretu asmoz

Puenteren esanetan, Masen jokaldiak barne gatazkak baretzeko asmoa luke, korronte ezberdinak alderdiaren jabe egitea ekiditeko. Gauzak horrela, lehia exekutiba berrian postuak lortzera mugatuko litzateke. Proposamenak exekutiba hamabi lagunera murriztea aurreikusten du. Hala, azken asteetan indarra hartzen ari den Germá Gordóren korronteari –alderdiko eskuindarrena– asko zailduko zaio boterea eskuratzea.

Masen planak aurrera egiteko aukera handiak ditu, sektore guztiek bere lidergoa aintzat hartzen dutenez gero. Alabaina, proposamen horrek zirrikitu bat izan dezake. Zenbait sektorek gobernuko eta alderdiko karguak aldi berean mantentzearen aurka egin dute, eta militantziak horren alde eginez gero, Munté Generalitateko kargudun izateak bere plana oztopatu dezake.

 


Kanal honetatik interesatuko zaizu: Herrialde katalanak
2024-03-18 | Gedar
Kataluniako 5.000 preso konfinatuta izan ditu Generalitateak

Kartzeletako funtzionarioen protestak aitzakiatzat hartuta, milaka preso erabat giltzapetuta eduki dituzte Kataluniako sei espetxetan.

 


Europako Banku Zentralak "erreforma estrukturalak" iragarri ditu, defentsarako gastuei aurre egiteko

Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".


Amnistia Legearen proposamena onartu du Kongresuak eta haren bidean Kataluniako hauteskundeak sartu dira

Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.


Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


hauteskunde aurrerapena Katalunian
Juntsek dio Puigdemont izango dela bere hautagaia maiatzaren 12ko hauteskundeetan

Pere Aragonès Generalitateko presidenteak asteazken honetan aurreratu ditu Kataluniako hauteskunde autonomikoak, En Comú-rekin batera atera behar zituen 2024ko aurrekontuek porrot egin ondoren. Juntsek iragarri du bere hautagaia Carles Puigdemont izango dela; azken... [+]


Eguneraketa berriak daude