Artolazabal sailburuak ez du azalpenik emango Koldo Arribillaga etxegabetuaren heriotzaz
EAJko eta PSEko parlamentariek atea itxi diote Berdintasun, Justizia eta Gizarte Politiketako sailburuak Eusko Legebiltzarrean azalpenak emateko ekimenari. Koldo Arribillagari Osakidetzak ebakuntza egitea ukatu zion etxebizitzarik ez zuelako, bizi zen amaren etxetik kaleratua izan ondoren; irailaren 8an hil zen.
Koldo Arribillaga, biriketako gaitz kroniko baten ondorioz hildako gasteiztarraren kasuaz ez du azalpenik eman behar izango Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak Eusko Legebiltzarrean. EAJko eta PSEko parlamentariek euren botoak batu dituzte asteazkenean, legebiltzarreko Gizarte eta Gazte politiken batzordean, Elkarrekin Podemos-IUren ekimenak aurrera egin ez dezan.
"Ez da bere eskumena"
Gobernuan dauden alderdiko kideek argudiatu dutenez, gizarte zerbitzuetako eskumenak diputazioen esku daude eta Artozabalen azalpenak "oso azalekoak" izango lirateke, Aitor Urrutiaren (EAJ) esanetan: "Gakoa, eskumena eta ardura foru aldundian eta udalean daude". Nolanahi ere, jeltzaleak iragarri duenez, Gotzone Sagardui osasun sailburuak emango ditu "eman beharreko azalpen guztiak".
Elkarrekin Podemos-IUk eta EH Bilduk gogor kritikatu dute Artolazabalek agerraldia saihestu izana. EH Bilduko Maria Gardek "aurrekari arriskutsutzat" hartu du erabakia, eta gaia sail horren ardurakoa edo eskumenekoa ez izatea, "interpretazio" kontu bat dela oharatarazi du: "Bestelako irakurketak ere badaude, sailburuaren agerraldia eskatu da bere ardura posiblea azaltzeko, pertsona etxegabe bat hil delako behar bezalako asistentziarik ez duelako jaso, bai osasunaren aldetik, baina baita babes sistemaren aldetik ere".
"Gizagabetasun ekaitz perfektua"
Arribillaga irailaren 8an hil zen, Osakidetzak bere gaitza sendatu ahal izateko ebakuntzarik egin gabe. Horretarako, osasun zerbitzuak ebakuntza-ondorengoa egin ahal izateko bizileku bat eskatzen zion, baina honek ez zuen halakorik, bizi zen amaren etxebizitzatik etxegabetua izan ondoren.
55 urteko Gasteizko herritarrak udaleko gizarte zerbitzuetara ere jo zuen irtenbide bila. Inor Ez Etxerik Gabe elkarteak azaldu duenez, El Campillo zentroan artatu zuten arren, ez zioten lotarako leku finko bat eman. Osakidetzak bere aldetik azaldu du Arribillaga "osasun egoera larrian" zegoela, baina "inoiz ez dela inor ebakuntzarik gabe geratzen etxebizitzarik ez edukitzeagatik".
Argilan-ESK plataformako kide Iñaki Uribarrik "gizagabetasun instituzionalaren ekaitz perfektua" bezala deskribatu du kasua. Urriaren 6an heriotza salatzeko mobilizazioa egin zuten Gasteizen, Etxebizitza Eskubidearen Aldeko eta Gizarte Bazterkeriaren Kontrako Ekimenak deituta.
Maiatzaren 20an indarrean sartuko da Espainiako Atzerritarren Legearen erreforma berria. Loueila Sid Ahmed Ndiaye sahararrak (Tinduf, Aljeria, 1990) egunero ikusten du lege horrek pertsona migratzaileen bizitzetan duen eragina. 1999an iritsi zen Kanaria uharteetara Saharatik,... [+]
Bazterkeria egoeran dauden pertsonen elikadura beharrei erantzuteko, Paris 365 jantoki solidarioa martxan jarri zuten Iruñean, 2009an. Ordutik, euro baten truke egunero hiru otordu bero ematen dituzte. Urtarrilaren 27an iragarri zuten aurrez aurreko afariak emateari... [+]
Duela aste batzuk, Diputazio kalean, Gasteizko erdigunean, bi gizonek etxerik gabeko pertsona bat bota zuten lo egiten zuen lokalaren kanpoaldeko eskailera-buru txikitik. Bota ez ezik, berehala metalezko baranda bat ere jarri zuten lonjaren aurrean. Lokala luzaroan hutsik egon... [+]
Trumpen itzulera pizgarri izan da sendotuz doan eskuin muturreko erreakzionarioen mugimenduarentzat. Izan ere, historikoki, faxismoaren gorakada krisi ekonomikoekin lotuta egon da, baita sistemaren zilegitasun politiko eta ideologikoaren krisiarekin ere. Gaur egun, geldialdi... [+]
Gaztelueta C -Berango C gazteen futbol partidua bertan behera geratu zen Larunbatean. Jokatzen ari zirela Gaztelueta C taldeko gazte batek aurkariari "beltz zikin madarikatua" deitu zion. Gorengo erregional mailako Otxarkoaga-Iturrigorri partiduan ere... [+]
Erroldarik gabe izaterik ez ekimenak Gasteizko Udalaren bi barne dokumentu eman zituen argitara urtarrilaren 30ean. Udalerrian erroldatzeko irizpide murriztaileak jasotzen dira bertan, “bidegabeak eta ilegalak”, eragilearen esanetan, herritar baztertuenen kaltetan... [+]
Paris 365 jantokiak ez ditu martxora arte aurrez aurreko afariak emango eta erakundeei inplikazioa eskatu die konponbidea lortzeko.
Pobretuak kriminalizatzeko Jaurlaritzaren politika albiste izan da, berriz ere, azaroan. Salaketa anonimorako postontzia sortu du Lanbidek, herritar zintzoek Diru-sarrerak Bermatzeko Errenta jasotzen duten herritar potentzialki iruzurtien “jardun irregularren edozein... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Donostiako Harrera Sareak belodromoko arkupean oztopoak jartzea salatu du. Zehazki, azken egunotan jarri dituzten hesien aurka egin dute sare sozialetan. Zabaldutako adierazpenetan adierazi dutenez, udala muga horiek jartzen dabil etxerik gabeko donostiarrek bertan lo egin ez... [+]
Kolorea eta argia ez ditu bereizten, ez du itsu ez garenok bezala ikusten, bestela baizik. Ez gaitu ikusten, ez dugu bera ikusten. Itsu gara bata bestearentzat. Hizketan hasi orduko ikusi dugu elkar, haren euskara segiduari gozo segitu diogu, hikarik naturalenean. Berak ekarri... [+]
Gizarte-bazterkeria arriskuan dauden 10 eta 14 urte arteko haur migratzaileak eta haien mentore izan nahi duten ikasle helduagoak (goi mailako ikasketak egiten ari direnak) elkartzen ditu Urretxindorra proiektuak. Proiektuaren bederatzigarren edizioa abiatu berri da eta 37... [+]
Sokatirarako jantzi ofizialei buruzko arauek diote emakumeek gona jantzi behar dutela, eta gizonek prakak. Emakumeak hori amaitzeko eskaera egina zuen, baina aurten ez diote utzi galtzekin lehiatzen. Eztabaida "luze" joango dela erantzun diote.