Artikoko izotzak inoiz baino azalera txikiagoa du 2016an
2015ean inoizko tenperaturarik altuenak izan dira Munduko Meteorologia Erakundeak jaso duenez. Horren ondorioa garbia izan da: Ozeano Artikoko izotzaren zabalera azken 37 urteetako txikiena da.
2015 inoizko urterik beroena izan da tenperaturak neurtzen dituztenetik. Horixe Munduko Meteorologia Erakundeak zabaldu duen datua. Tenperatura igotzearen ondorioz, Artikoko izotza urtzen ari da, eta azken 37 urteetako azalerarik txikiena du, Greenpeace talde ekologistak salatu duenez. 14,52 milioi kilometro koadroko azalera zuen martxoaren 24ean, 2015eko minimo historikoaren azpitik –14,54 milioi kilometro koadro zituen–.
Ozeanoetako tenperaturak igo egin dira, eta hainbat herrialdek bero kolpe izugarriak jasan dituzte, Hegoafrikak esaterako. Lehorte ikaragarriak gertatu dira mundu osoan, eta horrek arazo larriak eragin ditu nekazaritza ekoizpenean eta elikagai segurtasunean. Suteak ere izan dira mundu osoko leku askotan.
Greenpeace: "Beharrezkoa da eremu hori babestea"
Greenpeacen ustez, erregai fosilak erretzea da tenperatura igoera horren erantzule nagusia. Izotza desagertzen ari da, eta horrek enpresei petrolio zundaketak egiteko aukera ematen die orain arte sarbiderik izan ez duten guneetan: “Amaierarik ez duen soka da: Artikoko izotzaren desagerpena eragiten duten enpresa horiek irabaziak ateratzen dituzte desagerpen horretatik”.
Talde ekologistaren ustez beharrezkoa da “balio handiko” ekosistema hori babestea: “Testuinguru honetan ulergaitza da petrolio eta arrantza enpresek eremu horretan industria jarduera garatzen jarraitzea”, adierazi du Pilar Marcos Greenpeace-en Artikoa salbatu kanpainaren arduradunak.
Artikoa babes-gune bihurtzeko aurrerapausoak
Azken hilabeteetan hainbat aurrerapauso egin dute artikoa babes-gune bihurtzeko. Martxoaren hasieran, OSPAR Biodibertsitate Batzordeak “zientifikoki” onartu zuen Artikoko Erresuma Batuaren tamainako zati bat babesteko beharra.
Zazpi milioi pertsona baino gehiagok sinatu dute dagoeneko Artikoan babestutako eremua sortzearen alde. Era berean, mundu osoko gobernuak New York-en bildu dira egun hauetan, Nazio Batuen Erakundeak garatu dezan nazioarteko urak babesteko beste hitzarmen bat.
OSPAReko hamabost ordezkari politikoek bilera egingo dute ekainaren 20tik 24ra Espainian. Bilera horretan erabakiko dute ozeanoko uren %10 babesten dituzten edo ez. Babes-gune bihurtuz gero, petrolio-zundaketak debekatuko lirateke eremu horretan.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]