Artetxe eta Txoperena anai-arrebak txapeldun, taldekako Xilaban
300 bat entzuleren aitzinean burutu dute aurtengo taldekako Xilabaren finala, larunbatean Izturitzen. Lagun arteko giro goxo eta beroa azpimarratu dute bertsolariek zein bertsozaleek.
Ez Otoi Pentsa taldea dugu aurtengo taldekako Xilabako txapelduna. Miren eta Gorka Artetxe eta Maddi Ane eta Josu Txoperenak osatutako taldea nagusitu zaie Elixabet Etxandik, Lur eta Hodei Renteriak, Leire Laskaraik eta Maddi Sarasuak osatutako Hasta la 2toria talde lehiakideari. Talde bakoitzetik hiru aritu ziren kantuan, Miren Artetxe eta Txoperena anai-arrebak alde batetik eta Etxandi, Sarasua eta Lur Renteria bestetik.
Herriko haurrak batzen dituen Arberoa Ikastolako lehendakariak eskaini zituen opariak parte-hartzaile guztiei, txapela haatik Hasta la 2toria-ko kideek jarri zieten Ez Otoi Pentsa-koei.
Baina, bertsolariek zein bertsozaleek aho batez azpimarratu dutenez, plazan egondako lagun arteko giro goxo zein beroa da benetako irabazlea. Hain zuzen, oholtza gaineko bertsolarien arteko hurbiltasuna eta laguntasuna sendi zitekeen hastetik buru, 300 entzuleek behin eta berriz irri eta txaloz eskerturiko dinamika.
Hona hor Ez otoi Pentsa eta Hasta la 2toria taldekoen bukaerako agurrak: bukaerako agurrak.
Elkartea, pozik
Irailaren 20ean Itsasutik abiaturik, Zuberoa, Nafarroa Beherea eta Lapurdin gaindi hamaika saio burutu dituzte lehiari lotutako 34 bertsolarik. Jarritako helburuei begiratuz gero, balorapen “baikorra” egiten du Xumai Murua Bertsularien Lagunak elkarteko lehendakariak. Hain zuzen, Ipar Euskal Herriko bertsolariak oholtzara eramatea dute xede taldekako formularekin, “ banakako txapelketaren jauzia egiten ez dutenei bertsoaren plazara hurbiltzeko parada eskainiz”. Entzuleen aldetik ere, jarraipen polita lortu izanaz pozten da elkartea. Finalaren egun arrakastatsua aitzin ere, batazbestean 80 bat lagun hurbildu ziren saioka.
Xenpelar Dokumentazio Zentroak dokumentazio bilketan sakontzeko aurrerapausoak eman ditu: Bertsozale Elkarteko egitasmoen bilketa prozesuak berrikusi dira eta tokian tokiko eragileekin harremanetan jarrita, eremu horretako jarduna aztertu eta hobekuntzak bideratu... [+]
Ekainaren 12an, 64 urte zituela hil zen Tomasita Quiala Kubako izar handia. Azkeneko aldiz, 2018an etorri zen Tomasita Quiala repentista Euskal Herrira, Bertsozale Elkarteak antolatutako inprobisazioaren nazioarteko topaketa batzuen bidez. Dena hartzen zuen gogoan eta denari... [+]
“Urrats kuantitatibo eta kualitatiboa” eman du antolakuntzak, finala lekuz aldatuko du, inoizko finalik “handiena” egiteko. Zortzi saiok osatuko dute txapelketa. Sarrerak udazkenean jarriko dituzte salgai.
Lau urtero hiru txapelketa jokatzen ari da Oihana Bartra Arenas azken hogei urteetan. Bertsolaritza lehia baino gehiago dela jakitun da, baina lehia uzteak ekar lezakeen amildegiak beldurra ematen dio.
Bertsozalea zen, eta hamarkada luzeetan aritu da bertsoaren plazako zereginetan: epaile eta gai-jartzaile lanetan, saio antolaketetan eta Bertsularien Lagunak elkartearen betebeharretan ere bai. Euskaltzain urgazle izendatua izan zen 1967an, eta ohorezko 2014an.
Señora Sariketaren V. edizioa izan da 2025ekoa, benetan berezia: aurtengo bertsolari parte-hartzaileak plazak utziak zituzten andre eta genero disidenteak izan dira. Binaka egin dute plazara itzulera, saioetarako giro goxo eta xamurra lagun.
Hamahiru urtean lehen aldiz, finalaren kokagunea aldatu du txapelketak, arrazoi koiunturalak medio: Bilbao Arenatik Casillara. Azken bi txapelketetako txapeldunak, Nerea Ibarzabalek, ez du parte hartuko aurtengo edizioan.
Iruñean eginen da lehen saioa, maiatzaren 23an, eta Jauntsaratsen bigarrena, maiatzaren 30ean. 12 bertsolarik hartuko dute parte, aurreko txapelketan aritu ez zirenak. Horietatik, sei sailkatuko dira urrian hasiko den txapelketara.
Hamabi bertsoko sorta dotorea jarri du pilotariak, galtzeari eta irabazteari buruz. Inspirazioa 2024an Larrun aldizkarirako egindako mahai-inguruak piztu zion, Jokin Altunarekin gai horri buruz aritu baitzen gogoetan. Bertso sorta musikatuta entzun daiteke Bertso Ikasgela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Irurtzunen jokatu da Nafarroako Eskolarteko Txapelketaren 39. edizioa. Sei bertsolari gaztek hartu dute parte txapelketan, eta horietatik, Arantzako Kattin Madariagak jantzi du txapela. Txapeldunorde, berriz, Kattalin Lizarraga izan da. Biak izanen dira Nafarroako ordezkari... [+]
Gipuzkoako Euskal Pilota Federazioak 100 urte betetzen ditu aurten. Ospatzeko antolatu dituen ekitaldien artean dago apirilaren 12an Zumarragan egingo den bertso saio berezia. Pilotari bat arituko da gai-jartzen, eta pilotarekin harremana duten Gipuzkoako lau bertsolari kantuan... [+]
