Arrazakeriari STOP esan diote Iruñeko kaleetan
Pertsona ororentzat eskubide berdinak eskatu zituzten SOS Arrazakeriak, Amnistia Internazionalak eta Eskubideak Denontzat erakundeak larunbatean Iruñean egindako manifestazioan.
Martxoaren 21ean arrazakeriaren eta xenofobiaren aurkako eguna izan zen eta egun horren aitzakian antolatu zuten manifestazioa asteburuan. Gaztelu Plazatik abiatu zen eguerdian eta besteak beste “oinarrizko errenta guztiontzat” edota “ez da gizaki ilegalik” bezalako aldarriak entzun ziren Iruñeko kaleetan.
Javier Urroz Eskubideak Denontzat erakundeko kideak ohartarazi du krisi ekonomikoak jarrera arrazistak areagotzen dituela, herritarrek aurreiritzi gehiago dituztelako egoera zailetan.
Bestetik, Ceuta eta Melillan gertatzen ari dena munduan dagoen berdintasun ezaren erakusgarria dela uste du Urrozek: “Jendeak bizitzeko era aurkitu behar du nola edo hala, jan ahal izatea eta norberaren askatasunak bilatu behar ditu”.
Asmatuz gero, ziur asko, eraginkorragoa da keinu bat, hitz bat baino. Zenbat bider esan eta ezeztatu dugu mila hitzek irudi batek baino gehiago balio dutela. Barkatu, alderantziz da. Ez da bakoitzak zenbat balio duen, da zertarako. Zerbait ulertzen burua bihurritu nahi... [+]
Cimade elkarteak emandako datuen arabera, %55a aske geratu bazen ere, 2023an 351 pertsona atxilotu zituzten paperik gabekoak atxikitzeko zentroan. Gehienak Aljeria, Maroko eta Tunisiako jatorria zuten.
Apirilaren 18an, Mbolo Moye Doole elkarteak elkarretaratzea deitu zuen, Bilboko manteroen aurkako arrazakeria eta indarkeria poliziala salatzeko.
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]