Arkaitzerreka garbi iristen da erraustegira, baina kutsatuta irteten da hirugarren egunez
Hainbat bideotan bildu du ARGIAk erreka garbi iristen dela erraustegira eta ondoren zikina eta okre kolorearekin irteten dela. Errausketaren Aurkako Mugimenduak larunbat eguerdirako protesta deitu du.
ARGIAk eman zuen isuriketaren berri eta ordutik Arkaitzerreka erraustegitik pasa ondoren zikin jeisten da. Ondorengo bideoetan ikusi daitekeenez, erreka garbia iristen da erraustegira.
Erraustegitik pasa ondoren ordea, zikina irtetzen da, aparrarekin eta okre kolorearekin.
Gipuzkoako Hondakinen Kontsortzioak (GHK) atzo argitaratutako bi lerroko adierazpenean esan zuenez, ukatu egiten dute haiek isuriketarik egin izana. Baina, ez du gezurtatzen bere instalazioetatik datorrenik filtrazio baten forman.
Errausketaren Aurkako Mugimenduak deialdia egin du larunbatean egongo duten elkarretaratzera gerturatzeko. Zubietako plazan izango da 12:00etan.
