Larunbatean Ariel Sharon Israelgo lehen ministro ohia hil zen, 85 urte zituela. Besteak beste, milaka palestinarren heriotza eragin zuen Sabra eta Xatilako sarraskiaren buru izan zen israeldar politikari eta militarra.
2006ean izandako odol isuri baten ondorioz koman egon da urtarrilaren 11n zendu den arte.
Bere heriotzaren harira pozezko hainbat mezu agertu dira kaleetan, eta Israelgo Segurtasun Publikoko ministro Yitzhak Aharonovitchek poliziari agindu dio kartelak ikertzeko.
Israelgo hainbat yeshiva edo zentro erlijiosotan azaldutako mezuek Ariel Sharonen heriotza ospatzen dute. "Mazal Tov beroa Ariel Sharoni bere desagertzean” bezalako esaldiak irakur daitezke afixetan. Mazal Tov urtebetetze edo urtemuga garrantzitsuetan zoriontzeko erabiltzen den espresio judutarra da.
Aharonovitchek azaldu duenez, “jokabide hauek mespretxagarriak dira eta ez ditut onartuko. Halako delituzko gertakariak saihesteko neurriak hartuko ditut. Poliziari eskatu diot lehenbailehen eta modu profesionalean konpon dezala gaia”.
Israelgo legediak adierazpen askatasuna jasotzen du; eta bortizkeria aldarrikatzen duten mezuak salbuetsita, gainerakoak bermatu behar direla biltzen da. Hortaz, ez dago garbi ikerketa abiatzeko oinarri legalik egonen den.
Azken agurra
Mundu osoko bigarren mailako agintariak joan dira gaur ospatzen ari den Ariel Sharonen hileta ekitaldira. Simon Peres egungo presidente israeldarrak eman dio hasiera ekitaldiari, “Sharonen bizitza Israelgo Estatuari estu lotuta dago, eta haren arrastoa bazter guztietan geratu da", adierazi du.
Parlamentuko zelaian egin den ekitaldian AEBko ordezkariak zeuden, Joe Biden presidenteordea buru. Horiekin batera, Tony Blair Erresuma Batuko lehen ministro ohia, Jiri Rusnok Txekiar Errepublikako lehen ministroa, Sergey Naryshkin Errusiako Parlamentuko presidentea eta Frank-Walter Sterinmeier Alemaniako Atzerri Gaietarako ministroa izan dira.
Hileta ekitaldiaren ostean, Sharonen gorpua Latrungo kuartel militarrera eramanen dute Armadaren omenaldia jasotzeko.
Palestinarrek pozik hartu dute Ariel Sharonen heriotzaren albistea.
Hainbestekoa da Gazan droneek eguneroko bizitzan eta iruditegi kolektiboan daukaten eragina ezen hitz propio bat asmatu dutela droneentzat: Zazana. Hitz onomatopeikoa da, gazako dialektoan.
The Drone Eats With Me: A Gaza Diary liburuan (Droneak nirekin jaten du: Gazako... [+]
1950eko hamarkadan, AEBetako armada droneak erabiltzen hasi zen gatazka guneetan zaintza eta errekonozimendu misioetarako. 1994ko uztailaren 3an izan zen Predator dronearen lehen hegaldia, armatuta egon gabe. 1995eko uztailean, Predatorrek Balkanen gainetik egin zuen hegan... [+]
Gazara doan Adkeniz itsasontziaren irteera eragozteko Israelen ahaleginek beste traba bat jarri dute. Gazako itsas-blokeoa hautsi nahi duen misioaren paturako behin betikoa izan liteke.
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
EHUko Gobernu Kontseiluak adierazpena onartu du, Palestinaren alde eta Gazako sarraskiaren aurrean. Hainbat konpromiso hartu ditu, besteak beste, boluntariotza programa bat martxan jartzea, errefuxiatuen arreta zabaltzea eta giza eskubideen inguruko gogoeta sustatzea. Harreman... [+]