Argia ikastolak erantzukizuna eskatu die politikariei, etorkizuna ziurtatzeko
Milaka euskaltzale gerturatu ziren atzo Tuterako Argia ikastolak antolaturiko Nafarroa Oinezera, eta ondorioz, aurreikuspenak bete direla eta pozik daudela adierazi dute antolatzaileek. Nafarroako alderdi guztietako ordezkariak izan ziren, salbu eta UPNkoak. Nafarroako Gobernuak ez zuen ordezkaririk bidali.
Kultur, kirol eta politika esparruko ordezkari ugari gerturatu ziren inaugurazio ekitaldira. Agintarien artean, oposizioan dauden alderdi nafarretako politikariez gain, Patxi Baztarrika Eusko Jaurlaritzako Hizkuntza politikarako sailburuordea, Mertxe Aizpurua Udalbiltzako presidentea eta Martin Garitano Gipuzkoako ahaldun nagusia izan ziren, besteak beste.
Euskararen Legearen erruz, eremu ez-euskaldunean dago Erribera, eta bertako ikastola bakarra (eta euskara eragile nagusia) da Argia ikastola. 1984an sortua, gaur egun 220 ikasle eta 22 irakasle ditu, eta inguru horretan seme-alabak euskaraz hezi ahal izateko gurasoek egin behar izaten duten ahalegina garbi islatu berri dute Badira Bagara dokumentalean. Bultzadatxoa eman nahian, eta eguraldia lagun, jende askok egin zuen atzo Nafarroa Oinezeko ibilbidea, Taupadaz bat egin! lelopean.
Ikastolako lehendakari Susana Suárez pozik agertu zen gerturatutako jende kopuruarekin, baina onartu zuen bertigo sentsazioa ere bazuela, "bihartik aurrera lanean jarraitu beharko dugulako eta jakitun zarete denak ikastolak zein egoera ekonomiko zaila bizi duen. Hala ere, euskara Ebroren alde honetan bizi mantentzen jarraitzeko ardura daukagu". Politikariei gogorarazi zien erabakiak hartzeko erantzukizuna eurena dela, eta "gure seme-alaben etorkizuna gurea baino euskaldunagoa izatea nahi dugu, Argia Ikastolaren etorkizuna ziurtatu nahi dugu, kalitatezko eta euskarazko hezkuntza proiektu bat nahi dugulako Erriberan".
Nafarroako Ikastolen lehendakari Peio Irujo kritiko mintzatu zen: "Euskararen Legeak eskubide linguistikorik gabe utzi zituen bailara honetako nafarrak. Horri lanarekin eta ilusioarekin erantzun zaio Argia Ikastolatik". Haizea kontran arraun egitera ohituta daudela gehitu zuen, "gure sendotasuna frogatu dugu lau hamarkadatan zehar eta frogatzen segiko dugu familia nafar guztien laguntzari esker, Tuteratik Beraraino eta Lizarratik Zangotzaraino".
Omenduak
Mondragon Unibertsitatea omendu zuen atzo ikastolak (Asier Irizar Hueziko zuzendaria izan zen bertan), baita Erriberako Kultur Elkarte Euskaltzaleak (Barde Riberako partaide Mario Bermejok jaso zuen oroigarria) eta Izaskun Arratibel NIEko zuzendaria ere. Hurrengo urteko Nafarroa Oinez antolatzeko lekukoa berriz, Zangotzako Ikastolak jaso zuen.
Erribera euskalduntzeko ikastolan egiten duten lanaz erreportajea argitaratu genuen: Argia Ikastola, Erriberako euskara eragile nagusia.
Etxarri Aranatzen, Andra Mari ikastolak antolatu du 2023ko Nafarroa Oinez, Hotsein lelopean. Festaz gain, bi aldarrikapenek hartu dute tokia: euskara ofiziala izatea Nafarroa osoan eta Euskal Herri osoan euskaraz bizi ahal izatea. Hurrengo Nafarroa Oinez Zangozako Ikastolak... [+]
Etxarri Aranatzeko Andra Mari Ikastolak aurkeztu du asteartean “Nafarroa osoan bai!” kantua, San Ferminetarako prestatu duten Oinez Txokoarekin batera. Joseba Tapiak konposatu du musika, eta Maddalen Arzallusek egin du letra.
Euskararen Foru Legeak nafarrak diskriminatzen ditu, eta hizkuntza eskubideak esleitzen zaizkie bizi diren eremuaren arabera. Bada, duela urte batzuk ereiten hasi ziren hamaika ekimen zonifikazioari aurre egiteko, eta udazken honetan inoiz baino indartsuago hasi dira euskarari... [+]
Urriaren 16an jendetza bildu da Tafallan Nafarroa Oinez ospatzeko. Egunaren arrakasta nabarmendu du antolakuntzak, "bai bertaratu den jendearengatik, bai eta normaltasun osoz igaro den jaiegunarengatik ere". Eskerrak eman dizkie, batetik, Tafallan "euskara... [+]
Lizarra Ikastolaren laugarren Nafarroa Oinez izanen da aurtengoa. Erabat berezia, egoerak hala aginduta, baina bereziki alaia pandemia osteko lehena delako larunbat eta igandean eginen den festa. Lizarra Ikastolara joan gara irratsaio berezia egitera eta handik pasatzeko... [+]
Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak... [+]
Tuterako Argia Ikastolak antolatu du 2019ko Nafarroa Oinez. Jendetza bildu zen urriaren 20an eta egitaraua betetzea lortu zuten, baina arratsaldean euritara jo zuen eta uste baino askoz jende gutxiago hurbildu zen.
Nafarroa Oinez antolatzeaz arduratu da aurten Tuterako Argia Ikastola, baina ez da prestatzen duen ekitaldi bakarra: urtero, Euskal Herri osoko ikasleak batzen ditu Bardeetako Bizikleta eta Orientazio Martxan. Bizikleta aitzakiatzat hartuta, elkar ezagutzea, euskara bultzatzea... [+]
Atzo bete ziren 25 urte Guardia Zibilaren 30 patruila Berako Labiaga ikastolak antolatutako Nafarroa Oinezen ibilbidean sartu eta jendearen kontra oldartu zirela. Espainiako Gobernuarentzat «neurriko» jokabidea izan zuten; herriko bizilagun eta eragile gehienentzat,... [+]
Iñigo Aritza ikastolak hartu du aurten Lesakako Tantirumairu ikastolak emandako lekukoa. Antolatzaileek eguna “zoragarria” izan dela esan dute “Nafarroa Oinez BIZItzeko”.
Igandean Altsasun izanen da Nafarroa Oinez festa handia. Lau kilometro eta erdiko ibilbidea eta lau gune izanen dira igandeko jai handi horretan: Bizi, Kanta, Txio eta Dantza.
3,5 kilometro luze eta lau gune dituen ibilbidea prestatu dute eta hainbat ekialdi izanen dituzte igandean.
Nafarroa Oinezeko prestaketen azken txanpan buru-belarri harrapatu ditugu Lesakako Tantirumairu ikastola eta bertako zuzendari Maria Luisa Etxeberria. Ikastetxean jasangarritasunari lotuta abian dituzten proiektuez galdetu diogu.
Nafarroako Ikastolen Elkartearekin eta aurtengo Nafarroa Oinez antolatu duen Tantirumairu ikastolarekin batera, 2015ean suten batek kiskalitako herri lurrak basoberrituko dituzte.