Arbonako lurren salmenta gelditzea lortu dute ELBk eta Lurzaindiak
Ostegun honetan iragarri dute eroslea behin betiko erretiratu dela. Halere, eragileek Arbona okupatzen jarraituko dute, prozesua bukatu arte. Saltzaileak SAFERarekin negoziazioan jarraitu nahi du, eta 100.000 eurotan estimatutako lurrak 3,2 miliotan saltzeko nahia agertu du berriro.
aurre egingo dieten hedabide independenteak
79 eguneko okupazioaren ondoren, ELB laborarien sindikatuak eta Lurzaindiak Arbonako lurren salmenta gelditzea lortu dute. Ostegun arratsaldean eskainitako prentsaurrekoan azaldu dutenez, erosle gaia behin betiko erretiratu da prozesutik. Lurrak 3,2 milioi euroko prezio espekulatiboan saltzea eta laborantzarako lurrak helburu horrekin ez erabiltzea oztopatu dute eragileek.
Halere, bidea ez da bukatu. Lurren saltzailea, M. Borotra, prestu agertu da SAFERarekin negoziazio prozesu berriari ekiteko. Ustez, Borotrak erakundeari proposatu dio lurrak hark ezarritako milioko prezioan erosi ditzan, SAFERak 100.000 eurotan baloratu baditu ere. ELBk eta Lurzaindiak Arbonako okupazioarekin jarraituko dute prozesua amaitu arte.
Irailaren 9ko prentsaurrekoan bi elkarteak baikor agertu dira lorpenarekin, eta baita hemendik aurrera egiteko daukaten lanarekin ere. Dominique Ameztoi ELBko kideak nabarmendu du Arbonan “herri proiektua” garatu dutela, laguntzaile gehiago gehitu zaizkielako hilabete hauetan.
Abuztu bukaeran, BOST Berroetako Okupazioko Sostengu Taldea sortu zuen herritar talde batek okupazioa biziarazteko asmoz. Bestalde, Euskal Hirigune Elkargoa ere bildu da proiektura, salmentaren negoziaketetan esku hartzeko helburuarekin. Eragileek datorren astelehenean egingo dute bilkura okupazioaren nondik norakoak erabakitzeko.
Prezio espekulatiboak
Arbonan saldu nahi diren ondasunen artean, hamabost hektareako lursaila eta hauei lotutako etxea daude, eta saltzaileak 3,2 milioi eurotan transferitu nahi ditu. ELBk eta Lurzaindiak operazioaren hasieratik salatu izan dute Ipar Euskal Herrian hainbatetan jazotzen den espekulazio kasua dela honakoa. Izan ere, Frantziako Abeltzaintza Sailak kudeatzen duen SAFER konpainiak Arbonako ondasunen prezioa gehiegizkoa dela aitortu du: 100.000 eurotan ezarri dute beren benetako balioa.
Mota horretako salmentekin lurrak laborariengandik “ebasten” direla salatu izan dute elkarteek, eta konponbide gisa, Arbonako lurrak eta etxea banatuta saltzeko eskatu dute. Horrela, lursailaren salmenta SAFERrak kudeatu lezake, eta hauek nekazaritzarako erabiliko direla ziurtatuko litzateke. Bidearen beste aldean diren 11,2 hektarea inguru laborantzarako uztea eskatu izan dute laborariek.
SAFERak uztailaren 16an hasi zuen prozesua, erosteko lehentasun partzialaren urratsarekin. Lurren jabeak irailaren 16ra arte zeukan erantzuna emateko epea. Azkenean, eroslea izan da astebete lehenago atzera egin duena.
Okupazioaren urratsak
ELBk eta Lurzaindiak ekainaren 23an hasi zuten Arbonaren okupazioa. Uztailaren 15etik aurrera, etxe nagusira sartu ziren, eta bertan jarraitu izan dute orain arte. Bitartean, lurra lantzen ibili izan dira hainbat laborari, eta zenbait ekimen antolatu dituzte okupazioa bultzatzera eragile gehiago bildu daitezen.
Irailerako, Berroetako lurren okupatze egutegia antolatu dute. Egunka eta herrika egingo dute hemendik aurrerako bidea: udalerri bakoitzak izango du lurra 24 orduz okupatzearen ardura. Bi hilabetez, elkarretaratzeak, eztabaidak, kontzertuak, tailerrak eta animazioak antolatuko dituztela iragarri dute.
Maiatzaren 17an bertaratu eta barazkiak landatzeko hitzordua jarri diete herritarrei. Karia horretara egun osoko egitaraua osatu dute, Marieneako lurrak laborantzarako atxikiak izatearen alde.
Lurraren alde borrokan dabilen orok begi onez hartu du Frantziako Legebiltzarrak laborantza lurren babesteko lege-proposamenaren alde bozkatu izana. Peio Dufau diputatu abertzaleak aurkezturiko testua da, eta politikoa eta sentimentala juntaturik, hemizikloan Arbonako okupazioa,... [+]
203 diputatu alde eta hiru aurka agertu dira martxoaren 11 gauean egin bozketan. Higiezinen agentziak haserre agertu dira, eta bi salaketa aurkeztu ditu FAIN Frantziako Higiezinen Federazio Nazionalak Europako Batzordean. Bata, lege-proposamenari esker botere gehiago jasoko... [+]
Kanboko Marienia eremuan etxebizitzak eraikitzeko proiektua badu Bouygues Immobilier agentziak. "Elkarlanaren bidez" zein "indar harremana" mantenduta, proiektua ezeztatzeko borroka eramateko determinazioa plazaratu dute adierazpen bateratu... [+]
Kanboko bi hautetsi nagusiak (auzapeza eta lehen axuanta) errabiatuak dira. Hiru herritarren kontra plainta ekarri dute, Marieneako pentzearen alde protestatzeagatik. Bigarren aldia da enetzat, goizeko 06:00etan, ohetik ateratzen gaituztela (bizilagunarekin), hamar bat... [+]
Apirilean Kanboko Herriko Etxean sartu eta han egindako protestekin lotuta hiru lapurtar atxilotu ditu asteazkenean Frantziako Poliziak. Aske geratu badira ere, otsailean epaituko dituzte. Herriko Etxearen babesarekin, Bouygues enpresak duen etxebizitza eraikuntza... [+]
Filipe Laskarai eta Benjamin Charron atxilotu dituzte jendarmeek asteazken goizean, apirilean Kanboko Herriko Etxean sartu eta han egindako protestekin lotuta. Marieniako lurrekin ez espekulatzea eskatu zuten laborari eta ekintzaileek ekintza hartan.
Kanboko Marieniako higiezin proiektuaren kontra bildu dira elkarte eta herritarrak larunbat honetan. Larunbatean, mahai inguru eta tailerren bidez herritarrak sentsibilizatu nahi izan dituzte Bouygues Immobilier agentziaren proiektuaren desmasiez.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Bi urtez landu dituzte Berangoko lur horiek modu kolektiboan, eta epaitegiak desalojo agindua eman du azaroaren 23rako. Aguirre-Lipperheide familiak Otxantegiko zortzi hektarea nekazal lur saldu nahi ditu Amenabar enpresak etxeak egin ditzan. Horren aurrean, "espazioa... [+]
Martxoaren 12an izango dute epaiketa Ostia! kolektiboko militante Jeanine Beyrie, Filipe Laskarai, Jakes Bortayrou eta Dominika Daguerre-k, kalteak eragitea leporatuta. Manifestazioa egin dute goizean Baionan atxilotuen askatasuna eskatzeko, eta hitzordua jarri dute... [+]
Asteartean, goizeko lehen orduetan, gutxienez lau pertsona atxilo hartu ditu Frantziako Poliziak. Operazioak Baionan, Itsasun eta Angelun egin dira, eta Baionako polizia-etxean daude atxilotuak. Euskal Irratiek jakitera eman dutenez, 2022ko abenduan Angelun eginiko ekintza baten... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]